MVF pakinuŭ pieramovy z Hrecyjaj, ES zaklikaŭ Cyprasa «spynić hulni»
Dramatyčny momant nadyšoŭ u pieramovach kredytoraŭ z Afinami.
Mižnarodny valutny fond rezka ŭźniaŭ staŭki na biezvynikovych pieramovach z Hrecyjaj u čaćvier, pieradaje ahienctva Rojterz. Delehacyja MVF pakinuła pieramovy ŭ Bruseli i adpraviłasia dachaty, spasyłaŭšysia na nieadolnyja supiarečnaści z Afinami.
U toj ža čas prezident Jeŭrapiejskaj rady Donald Tusk vystupiŭ ź biesprecedentna rezkim pasłańniem kiraŭnictvu Hrecyi. «Času dla hulniaŭ bolš niama. Ja bajusia, što nabližajecca dzień, kali niechta skaža, što hulnia zakončana», — skazaŭ Tusk na pres-kanfierencyi paśla samitu ES — Łacinskaja Amieryka, na palach jakoha adbyvalisia intensiŭnyja pieramovy z hrečaskim premjeram Cyprasam.
Tusk skazaŭ, što Afinam treba być «bolš realistyčnymi».
Hrecyi nieabchodnyja novyja kredyty, kab raspłacicca pa starych. Inakš joj moža pahražać defołt užo ŭ kancy červienia. Taki defołt moža pryvieści da vychadu Afin ź jeŭrazony, a heta, u svaju čarhu, moža mieć niepradkazalnyja nastupstvy dla kursu jeŭra i suśvietnaj ekanomiki.
Kryzis byŭ vyklikany tym, što raniejšyja ŭrady Hrecyi falšavali statystyku, bieručy novyja i novyja kredyty, kab uzdymać žyćciovy ŭzrovień nasielnictva. U vyniku kraina apynułasia na miažy bankructva. A raz bo kraina ŭ jeŭrazonie, to prablemy Ełady stali prablemami ŭsioj Jeŭropy.
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary