МВФ пакінуў перамовы з Грэцыяй, ЕС заклікаў Цыпраса «спыніць гульні»
Драматычны момант надышоў у перамовах крэдытораў з Афінамі.
Міжнародны валютны фонд рэзка ўзняў стаўкі на безвыніковых перамовах з Грэцыяй у чацвер, перадае агенцтва Ройтэрз. Дэлегацыя МВФ пакінула перамовы ў Брусэлі і адправілася дахаты, спасылаўшыся на неадольныя супярэчнасці з Афінамі.
У той жа час прэзідэнт Еўрапейскай рады Дональд Туск выступіў з беспрэцэдэнтна рэзкім пасланнем кіраўніцтву Грэцыі. «Часу для гульняў больш няма. Я баюся, што набліжаецца дзень, калі нехта скажа, што гульня закончана», — сказаў Туск на прэс-канферэнцыі пасля саміту ЕС — Лацінская Амерыка, на палях якога адбываліся інтэнсіўныя перамовы з грэчаскім прэм'ерам Цыпрасам.
Туск сказаў, што Афінам трэба быць «больш рэалістычнымі».
Грэцыі неабходныя новыя крэдыты, каб расплаціцца па старых. Інакш ёй можа пагражаць дэфолт ужо ў канцы чэрвеня. Такі дэфолт можа прывесці да выхаду Афін з еўразоны, а гэта, у сваю чаргу, можа мець непрадказальныя наступствы для курсу еўра і сусветнай эканомікі.
Крызіс быў выкліканы тым, што ранейшыя ўрады Грэцыі фальшавалі статыстыку, беручы новыя і новыя крэдыты, каб уздымаць жыццёвы ўзровень насельніцтва. У выніку краіна апынулася на мяжы банкруцтва. А раз бо краіна ў еўразоне, то праблемы Элады сталі праблемамі ўсёй Еўропы.
Цяпер чытаюць
ДФР кашмарыць транспартнікаў: у вялікіх лагістычных аператараў крымінальныя справы, вобшукі і арышты9
Каментары