Šerah baptysckich cerkvaŭ aštrafavanyja ŭ Biełarusi ŭ 2015 hodzie
Jašče šerah cerkvaŭ Biełarusi byli aštrafavanyja ŭ 2015 hodzie pa art. 23.34 KaAP za praviadzieńnie nibyta niesankcyjanavanych masavych mierapryjemstvaŭ. «Byli vizity: jany prychodzili i sychodzili. Štrafy redkija, ale byvajuć», — zajaviŭ Forum18 pradstaŭnik adnoj z baptysckich cerkvaŭ, jaki pry hetym admoviŭsia raspavieści padrabiaznaści.
Taksama pa hetym artykule praśledujucca Śviedki Ijehovy, jakija razdajuć svaju litaraturu minakam na vulicy. «Navat kali jany stajać u adzinočku, im čaściakom prypisvajuć masavuju demanstracyju», — zajaŭlajuć vierniki. Pry hetym jany adznačyli, što tych, chto zajmajecca žabravańniem, navat kali jany byli z płakatami ŭ rukach, u masavych mierapryjemstvach nie vinavaciać.
U 2015 hodzie adzin padobny vypadak zarehistravany ŭ Mahilovie, supołcy jakoha jašče ŭ 2010 hodzie pahražali likvidacyjaj za padobnyja parušeńni.
Člen abjadnańnia Śviedak Ijehovy Andrej Kuzin, jakoha aštrafavali za praviadzieńnie niesankcyjanavanaha relihijnaha schodu ŭ siabie doma ŭ Barysavie 20 śniežnia 2014 hoda da vypłaty štrafu ŭ pamiery 3,75 młn rubloŭ, zaraz rychtujecca da abskardžańnia rašeńnia suda ŭ Viarchoŭnym sudzie. 30 krasavik Minski abłasny sud pakinuŭ štraf u mocy.
Jak paviedamlała Krynica, 19 červienia sud Centralnaha rajona Homiela aštrafavaŭ pastara abščyny chryścijan viery jevanhielskaj Carkva Božaja «Praabražeńnie» Siarhieja Nikałajenku na 20 bazavych vieličyń, abo 3,6 młn rubloŭ, za praviadzieńnie niaŭzhodnienaha z uładami nabaženstvy.
Na takuju ž sumu 8 červienia sud Śvietłahorskaha rajona aštrafavaŭ pa toj ža pryčynie praśvitara abščyny Mižnarodnaha sajuza cerkvaŭ jevanhielskich chryścijan-baptystaŭ Uładzimira Dajnieku i viernika Juryja Vaładzienku.
Kamientary