Spring96 paviedamlaje pra incydent ź ihnaravańniem dziaržaŭnaha statuse biełaruskaj movy supracoŭnikami DAI horada Salihorska.
Uviečary 25 červienia salihorski kiroŭca Alaksandr Małočka byŭ spynieny za drobnaje pravaparušeńnie padčas ruchu na svaim aŭto supracoŭnikami DAI. Mieć znosiny ź dziaržaŭnymi słužboŭcami jon pažadaŭ na biełaruskaj movie.
«Z tym faktam, što štorki na maim aŭto źjaŭlajucca parušeńniem praviłaŭ darožnaha ruchu, ja absalutna pahadziŭsia. Ale ja papiaredziŭ supracoŭnikaŭ DAI, što budu karystacca biełaruskaj movaj i zapatrabavaŭ ad ich jak ad dziaržaŭnych słužačych taho ž. Taksama ja zapatrabavaŭ, kab pratakoł byŭ składzieny pa-biełarusku i na biełaruskamoŭnym błanku, inakš ja nie pryznaju fakt pravaparušeńnia, — zaznačyŭ Alaksandar Małočka pravaabaroncam. — Na žal, adzinaje, što ja pačuŭ ad inśpiektara Sinielnikava, jaki navat nie pradstaviŭsia pa formie, jak taho patrabuje pracedura, heta słova «kali łaska». Na majo zakonnaje patrabavańnie pradstavić mnie pierakładčyka supracoŭnik DAI nijak nie adreahavaŭ dy praciahvaŭ źviartacca da mianie tolki na rasijskaj movie».
U vyniku pratakoł skłali na rasijskaj movie na rasijskamoŭnym błanku. Spadar Małočka źbirajecca abskardžvać dziejańni supracoŭnikaŭ milicyi ŭ sudzie.
Kali Kanapackaja stała padkantrolnaja Łukašenku? Raskazvajuć jaje siabry9
Kamientary