Supracoŭniki pravaachoŭnych orhanaŭ znajšli ŭ lasnym masivie pablizu vioski Varonina Bychaŭskaha rajona trup hramadskaha aktyvista Alaksandra Šačanka, jaki źnik bieź viestak ŭ žniŭni minułaha hoda.
Jak paviedamiła BiełaPAN aficyjny pradstaŭnik USK pa Mahiloŭskaj vobłaści Aksana Salaniuk, infarmacyja pra znachodžańnie ŭ hetym miescy cieła zabitaha čałavieka pastupiła ad zatrymanaha na minułym tydni 37-hadovaha žychara Bychava, jaki padazrajecca ŭ niezakonnym zachoŭvańni bojeprypasaŭ i kradziažy.
«Padčas pravilna praviedzienaha dopytu padazravany pryznaŭsia ŭ bolš ciažkim złačynstvie — zabojstvie, a taksama paviedamiŭ miescaznachodžańnie trupa», — raskazała jana.
27 červienia śledčyja, jakija vyjechali na miesca, sapraŭdy vyjavili astanki čałavieka, jakija, jak miarkujecca, naležać abvieščanamu letaś bieź viestak źnikłym 63-hadovamu Alaksandru Šačanku.
Jak rastłumačyła Aksana Salaniuk, padazravany ŭčyniŭ złačynstva z pryčyny niepryjaznych adnosin da zabitaha.
Nahadajem, apošni raz Šačanka bačyli 27 žniŭnia 2014 hoda ŭ Bychaŭskim rajonnym sudzie, dzie prachodziŭ razhlad isku aktyvista ŭ dačynieńni da jaho susieda, jaki abvinavačvaŭsia ŭ naniasieńni ciažkich cialesnych paškodžańniaŭ. Na majučym adbycca apošnim pasiadžeńni mierkavałasia, što Alaksandr Šačanok vystupić z chadajnictvam pra źmianieńnie miery strymańnia adkazčyku, pakolki toj nibyta vykazvaŭ pahrozy ŭ jaho adras.
Stała viadoma, čamu pieramožca biełaruskaha adboru «Mis Suśviet» nie jedzie na konkurs. Jana znajšłasia ŭ SIZA14
Kamientary