U Kazachstanie prapanujuć zakryć dostup da LifeNews za pravakacyjny rolik z Parašenkam i «himnam Kazachstana»
Staršynia rady dyrektaraŭ AT «Nacyjanalny centr «Ärleu» Murat Abienaŭ vykazaŭ svajo abureńnie videarolikam, jaki apublikavała ŭ sacsietkach rasijskaje vydańnie LifeNews.
Havorka idzie pra videa z vystupam prezidenta Ukrainy Piatra Parašenki, na jaki nakłali «himn Kazachstana» sa skandalnaha filma «Borat».
Na dumku Abienava, dziaržorhany abaviazany zakryć dostup da LifeNews na terytoryi Kazachstana.
«Zapatrabavać vydalić abraźlivaje dla Kazachstana videa i vybačycca. Jość ža ŭ nas takoje prava. Nie razumieju ja, čamu Hienprakuratura nie reahuje na takija publičnyja abrazy krainy praź Internet? Treba jašče pryciahnuć da adkaznaści našych čynoŭnikaŭ, jakija abaviazany manitoryć elektronnyja ŚMI i inicyjavać pryniaćcie mier. Aficyjna pryznać biaździejnaściu, bačačy, jak parušajuć naš zakon. My ž nie raspracoŭvajem hetyja praviły tolki dla pakarańnia našych. Abo suprać siabroŭskaj krainy čarhovy raz pramaŭčym… Ja, naprykład, jak hramadzianin RK, patrabuju abaranić honar majoj krainy! Kali jość nieabchodnaść, hatovy napisać aficyjny zvarot», — napisaŭ Abienaŭ u fejsbuku.
Ciapier čytajuć
Raźviedka ZŠA: Biełaruś stała pieradavym vajskovym płacdarmam Rasii11
Kamientary