Minpryrody viadzie pieramovy z polskimi kampanijami pra pastaŭki ŭ Biełaruś vietraŭstanovak. Praŭda, dla vietrakoŭ u našaj krainie pakul niama narmatyŭna‑pravavoj bazy.
Minpryrody viadzie pierahavory z polskimi kampanijami ab pastaŭkach u Biełaruś vietraŭstanovak, paviedamiŭ siońnia načalnik Śpiecinśpiekcyi dziaržkantrolu za achovaj atmaśfiernaha pavietra, azonavaha słoja i klimatu Ministerstva pryrodnych resursaŭ i achovy navakolnaha asiarodździa Biełarusi Siarhiej Zaŭjałaŭ na pres‑kanfierencyi ŭ Minsku.
Pavodle jaho słoŭ, polskija kampanii hatovy pastaŭlać u Biełaruś vietraŭstanoŭki. Ciapier baki abmiarkoŭvajuć kolkaść i canu hetych ahrehataŭ. Uzajemadziejańnie dźviuch krain budzie ažyćciaŭlacca zhodna ź miechanizmami Kijockaha pratakoła. U pryvatnaści, polskija kampanii zacikaŭleny ŭ kupli ŭ Biełarusi kvot na vykidy parnikovych hazaŭ.
Siarhiej Zaŭjałaŭ taksama adznačyŭ, što Minpryrody Biełarusi pryniało ŭdzieł u raspracoŭcy prajekta kancepcyi raźvićcia vietraenierhietyčnaj haliny ŭ Biełarusi.
«Dakumient praduhledžvaje vykarystańnie da 2020 hoda vietraenierhii ŭ ahulnym abjomie 1,5 tys. MVt, — skazaŭ jon. — U nas jość mahčymaści dla prymianieńnia hetaha patencyjału».
Užo viaducca padrychtoŭčyja raboty da raźmiaščeńnia vietraŭstanovak. U bližejšym budučym 11 takich kanstrukcyj mahutnaściu 850 MVt kožnaja źjaviacca ŭ Hrodzienskaj vobłaści.
Načalnik Śpiecinśpiekcyi dziaržkantrolu za achovaj atmaśfiernaha pavietra, azonavaha słoja i klimatu Minpryrody raskazaŭ, što košt adnaho vietraahrehata mahutnaściu 1,5 MVt aceńvajecca ŭ siarednim u 1,2‑1,5 młn. jeŭra.
«My možam pryciahnuć srodki dla kupli vietraŭstanovak, vyhadna vykarystoŭvajučy miechanizmy Kijockaha pratakoła, — adznačyŭ jon. — Adnak prymianić hetyja miechanizmy my zmožam tolki paśla ratyfikacyi papraŭki ŭ dadatku V Kijockaha pratakoła».
Pavodle słoŭ Siarhieja Zaŭjałava, u Biełarusi treba padrychtavać nieabchodnuju narmatyŭna‑pravavuju bazu, jakaja budzie rehulavać pracesy ŭstanoŭki, padklučeńnia, vykarystańnia i absłuhoŭvańnia vietraŭstanovak u Biełarusi. Płanujecca, što da 2010 hoda takaja baza budzie sfarmiravana.
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ15
Kamientary