27 lipienia ŭ Minsku prajšło pasiadžeńnie arhkamiteta inicyjatyŭnaj hrupy palitviaźnia Mikałaja Statkieviča. Na im jahonaja žonka Maryna Adamovič ahučyła tekst zvarotu Mikałaja Statkieviča, pieradadzieny im z turmy:
«Chaču padziakavać usim, chto ŭvajšoŭ u skład inicyjatyŭnaj hrupy. Ja razumieju, što ŭ našym napałochanym hramadstvie heta — učynak i dziakuju ŭsim, chto ździejśniŭ hety ŭčynak. Takaja padtrymka važnaja nie tolki dla mianie, ale i dla ŭsich tych, chto znachodzicca ŭ źniavoleńni praz svaje pierakanańni.
Budziem adkrytyja, udzieł apazicyi ŭ apošnich prezidenckich kampanijach mieŭ sens, pierš za ŭsio, jak mahčymaść arhanizavać masavy pratest suprać šou, u jakoje ŭłady pieratvaryli vybary, i pasprabavać viarnuć krainu da demakratyi.
Ciapier nivodzin z alternatyŭnych kandydataŭ takoj zadačy nie stavić. Ja nie baču vialikaha sensu ŭ takim udziele. Akramia taho, udzieł častki apazicyi robić małaefiektyŭnym bajkot vybaraŭ. U takich varunkach ja zaklikaju tych, chto nie zhodny z rolaj statystaŭ u čarhovym śpiektakli, da hramadzianskaha supracivu.
Ja zaklikaju tych, chto pryjdzie albo budzie vymušany pryjści na vybarčyja ŭčastki, napisać svajo pasłańnie ŭ biuleteni dla hałasavańnia, jakoje b dakładna śviedčyła ab nieprymańni palityki kiroŭnaha režymu. Upeŭnieny, što kali hety sihnał budzie masavym, jon dojdzie da adrasata.
Budźcie svabodnymi ŭ svaich pohladach i pavodzinach. Kali svabodnych ludziej stanie dastatkova, my zdolejem zdabyć svabodu i dla krainy», — havorycca ŭ zvarocie.
Ciapier čytajuć
Andrej Švied, architektar represij, pryznačany staršynioj Viarchoŭnaha suda24
Kamientary