U subotu ŭ Biarozaŭcy adbyŭsia niezvyčajny fłešmob suprać škodnaj škłavaty VIDEA
Nieviadomyja mužčyny ŭ čornych maskach zładzili fłeš-mob u Biarozaŭcy Lidskaha rajona. Pa słovach vidavočcaŭ, da transpartnaj prachadnoj škłozavoda «Nioman», dzie vyrablajecca škłovata, byli składzienyja aŭtamabilnyja pakryški, raskidanyja ŭlotki.
Taksama nieviadomyja pakinuli pobač butelki ź nieviadomaj vadkaściu i zapalili dymavyja šaški. Adbyłosia heta ŭ subotu, 26 lipienia.
«Toje, što pobač sa škodnaj vytvorčaściu adbyłasia takaja akcyja nie vyklikaje ździŭleńnia», — adznačyŭ siabra Partyi BNF Vitold Ašurka. — Toje, što znajšlisia ludzi, jakim los horada nieabyjakavy, to ja ździŭlajusia, što tolki ciapier a nie raniej. Voś hety fłeš-mob jon pavinien byŭ adbycca. Žychary našaha horada prosta źviedzienyja da ŭzroŭniu statystaŭ. Nichto nie pytajecca, nijakaj infarmacyi nichto nie daje, chiba što my pačniem tut zaraz pamirać i tady štości źmienicca.
Stała viadoma, što pa fakcie fłeš-mobu kala škłozavoda «Nioman» zaviedzienaja kryminalnaja sprava. A u kvatery aktyvista Vitolda Ašurka prajšoŭ pieratrus. Supracoŭniki Śledčaha kamiteta kanfiskavali kampjutar, drukarku i fłešku aktyvista. Pa jaho słovach, padstavaj dla pieratrusu staŭ fłeš-mob, jaki zładzili nieviadomyja.
Sioleta ŭ traŭni na škłozavodzie «Nioman», jaki znachodzicca ŭ samym centry Biarozaŭki, była zapuščana vytvorčaść škłovaty, pry vyrabie jakoj vykarystoŭvajucca takija škodnyja rečyvy jak fienoły i farmaldehidy.
U suviazi z hetym bolšaść haradžan narakaje na źjaŭleńnie ŭ horadzie niepryjemnaha śpiecyfičnaha pachu.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary