У суботу ў Бярозаўцы адбыўся незвычайны флэшмоб супраць шкоднай шклаваты ВІДЭА
Невядомыя мужчыны ў чорных масках зладзілі флэш-моб у Бярозаўцы Лідскага раёна. Па словах відавочцаў, да транспартнай прахадной шклозавода «Нёман», дзе вырабляецца шкловата, былі складзеныя аўтамабільныя пакрышкі, раскіданыя ўлёткі.
Таксама невядомыя пакінулі побач бутэлькі з невядомай вадкасцю і запалілі дымавыя шашкі. Адбылося гэта ў суботу, 26 ліпеня.
«Тое, што побач са шкоднай вытворчасцю адбылася такая акцыя не выклікае здзіўлення», — адзначыў сябра Партыі БНФ Вітольд Ашурка. — Тое, што знайшліся людзі, якім лёс горада неабыякавы, то я здзіўляюся, што толькі цяпер а не раней. Вось гэты флэш-моб ён павінен быў адбыцца. Жыхары нашага горада проста зведзеныя да ўзроўню статыстаў. Ніхто не пытаецца, ніякай інфармацыі ніхто не дае, хіба што мы пачнем тут зараз паміраць і тады штосьці зменіцца.
Стала вядома, што па факце флэш-мобу каля шклозавода «Нёман» заведзеная крымінальная справа. А у кватэры актывіста Вітольда Ашурка прайшоў ператрус. Супрацоўнікі Следчага камітэта канфіскавалі камп’ютар, друкарку і флэшку актывіста. Па яго словах, падставай для ператрусу стаў флэш-моб, які зладзілі невядомыя.
Сёлета ў траўні на шклозаводзе «Нёман», які знаходзіцца ў самым цэнтры Бярозаўкі, была запушчана вытворчасць шкловаты, пры вырабе якой выкарыстоўваюцца такія шкодныя рэчывы як фенолы і фармальдэгіды.
У сувязі з гэтым большасць гараджан наракае на з’яўленне ў горадзе непрыемнага спецыфічнага паху.
-
Брытанія 25 гадоў не можа дэпартаваць беларуса — той хлусіць беларускім уладам, што ён не свой. І яны не забіраюць яго дадому
-
Вывучыў восем моваў, ажаніўся і стаў доктарам у Барысаве — гісторыя медыка з Туркменістана
-
Міністр абароны Літвы пра ліст Зяленскага: Наіўна чакаць, што Пуцін проста возьме і адступіць
Каментары