Aŭtuchoviča zabrali ŭ špital z hipiertaničnym kryzam
Hipertaničny kryz zdaryŭsia siońnia ranicaj na pracy. Mikałaja Aŭtuchoviča zabrała chutkaja dapamoha.
Mikałaj Aŭtuchovič
Pavodle Aŭtuchoviča, jon vielmi mocna ŭčora raschvalavaŭsia, kali haradzienskaja kalehija sudździaŭ admianiła rašeńnie Vaŭkavyskaha rajonnaha suda ad 17 lipienia, pavodle jakoha orhanam milicyi admaŭlałasia ŭ padaŭžeńni previentyŭnaha nahladu za im.
— U mianie vielmi vysoka skočyŭ cisk. Jašče ŭčora pierachvalavaŭsia z hetymi sudździami, bo nijak nielha było vynosić takoje biespadstaŭnaje rašeńnie. A jašče ŭčora ŭ 22.20 prynieśli mnie pozvu ŭ sud. A siońnia pryjšoŭ na pracu, i mnie stała drenna, pačało vanitavać, baleła hałava, i dyrektarka vyklikała chutkuju. Ciapier lažu ŭ špitali, a moj advakat pajšoŭ u sud, i ja pakul ničoha nia viedaju, što tam budzie dalej. Choć dumaju, što mohuć spravu razhledzieć i bieź mianie, u našaj krainie mahčymy i taki varyjant.
Siońnia, 6 žniŭnia, u Vaŭkavyskim rajonnym sudzie ŭ 11.30 pavinien byŭ adbycca paŭtorny sud, kab praciahnuć previentyŭny nahlad nad Aŭtuchovičam. Heta stała mahčymym paśla ŭčarašniaha rašeńnia Hrodzienskaj abłasnoj kalehii. Siońnia ž — dzień, kali termin previentyŭnaha nahladu nad Mikołam Aŭtuchovičam skančajecca. I tamu, pavodle jaho, ułady lubym čynam imknucca pravieści hety sud, kab padoŭžyć termin previentyŭnaha nahladu za im.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty36
Kamientary