Namieśnik ministra patłumačyŭ, čamu ŭ Biełarusi nie budujuć masava žyllo pa 8-10 młn za m²

Košt kvadratnaha mietra žylla, jakoje budujecca ź dziaržpadtrymkaj, u siarednim za paŭhodździe skłaŭ 7,2 młn za kvadratny mietr. Pra heta siońnia zajaviŭ pieršy namieśnik ministra budaŭnictva i architektury Alaksandr Kručanaŭ.

Jon taksama raspavioŭ, što ŭsiaho sioleta budzie pabudavana tolki 1,5 młn kvadratnych mietraŭ ź dziaržpadtrymkaj. Pry hetym madernizavanyja pradpryjemstvy DBK hatovyja budavać i 10 młn kvadratnych mietraŭ u hod — mahutnaściaŭ chapaje.

Pavialičyć

Žurnalistka REALTY.TUT.BY paprasiła rastłumačyć niekatoryja momanty.

— Jak vy adznačyli, žyllo DBK, jakoje budujuć dla majučych patrebu pa 7,2 miljona za kvadratny mietr, budujecca nie na stratu. Dyk što pieraškadžaje budavać u krainie pa 10 miljonaŭ kvadratnych mietraŭ u hod dla ŭsich žadajučych?

— Vy vydatna razumiejecie, što žyllo, jakoje budujecca ź dziaržpadtrymkaj, vyzvalena ad mnohich płaciažoŭ. Naprykład, ad adličeńniaŭ pa znosie, — udakładniŭ Alaksandr Kručanaŭ.

— Heta pavialičvaje canu tolki na 7%.

— Tak. Ale dadajcie vydatki na sietki (zabudoŭščyki kažuć, što heta dadaje jašče da 15% da koštu budaŭnictva). Akramia taho, ludzi, jakija nie majuć patrebu ŭ palapšeńni žyllovych umoŭ, nie iduć u žyllo typavych spažyvieckich jakaściaŭ (jakoje budujuć DBK), ich vabić svabodnaja płaniroŭka, mietraž pad 100 mietraŭ — heta narmalna. Na čarzie majučych patrebu bolš za 720 tysiač čałaviek. A suadnosiny ŭ budaŭnictvie: 4 miljony za ŭsio, ź ich 1,5 — ź dziaržpadtrymkaj. I tak, siońnia jość žyllo, jakoje daražej. Siaredniaja cana — 13,4 miljona za kvadratny mietr. Pieršasny rynak — 9,7, druhasny — bolš za 15 miljonaŭ u siarednim. My ź dziaržpadtrymkaj budujem tańniej. Ale kamfort rozny.

— Vydatny prykład — Homiel. Tam UKB buduje i pradaje zvyčajnaje panelnaje žyllo. U ich kamiercyjnaja cana — kala 9,5 miljonaŭ za kvadratny mietr. Razychodzicca žyllo ŭmomant. Ludzi, hatovyja płacić za typavoje panelnaje žyllo, u čarzie za im stajać — ličać canu prymalnaj. Pravilna ja zrazumieła, što vy ličycie: kali pačniecie budavać masava typavoje žyllo pa 8-10 miljonaŭ za kvadratny mietr, to jaho prosta nie kupiać?

— My nie možam: jak budavać, kali hrošaj niama? Ni ŭ nas, ni ŭ nasielnictva. Niaŭžo vy dumajecie, što siońnia naša nasielnictva dastatkova bahataje?

Siarod inšych pytańniaŭ aśviatlałasia i pierśpiektyva źmieny zakanadaŭstva. U pryvatnaści, ŭniasieńnie źmianieńniaŭ va ŭkazy. Jak paviedamiŭ Alaksandr Kručanaŭ, rychtujucca papraŭki va ŭkazy №№ 13 i 26, jakija rehłamientujuć budaŭnictva žylla. Zrešty, čynoŭnik adznačyŭ, što abmiarkoŭvać źmieny ŭ 13-y ŭkaz (jaki vyznačyŭ, kamu naležyć lhotny kredyt, a kamu — nie) rana, pakolki nieviadoma, jakija ź ich projduć ŭzhadnieńnie ŭsich zacikaŭlenych struktur. A voś u prapanovach da 26-ha ukaza (jaki rehłamientuje pracu DBK u tym liku) jość toje, što moža zrabić panelnyja novabudoŭli bolš dastupnymi: Minbudarchitektury prapanuje vyłučać dziaržaŭnym domabudaŭničym kambinatam placoŭki dla budaŭnictva pa-za aŭkcyjonam. Ciapierašniaje ž zakanadaŭstva praduhledžvaje, što ziamla pad budaŭnictva dla tych, chto nie maje patreby ŭ palapšeńni ŭmoŭ, pavinna padavacca mienavita praz aŭkcyjony, i cana ŭčastka potym kładziecca na plečy dolščykaŭ.

• 0
• 0
• 0
• 0
• 0
• 0
• 0
• 0