Hienštab ukrainskaj armii apaviaściŭ pradstaŭnikoŭ misii ABSE, Rasii, zachodnich dziaržaŭ ab parušeńni sieparatystami ŭ Danbasie Minskich pahadnieńniaŭ, jakoje moža pryvieści da vykarystańnia srodkaŭ ahniavoha paražeńnia, paviedamlajecca na staroncy viedamstva ŭ fejsbuku.
U Kijevie parušeńni damoŭlenaściej aceńvajucca jak «hrubyja». «My pakidajem za saboj prava adekvatna procidziejničać vyklikam bajevikoŭ, u tym liku z prymianieńniem srodkaŭ ahniavoha paražeńnia», - havorycca ŭ paviedamleńni.
U Hienštabie padkreślivajuć, što minułaj nočču adbili ataku na linii sudakranańnia, a ŭsiaho na praciahu dnia Minskija pahadnieńni byli parušanyja nie mienš za 15 razoŭ: pa ŭkrainskich apornym punktam vioŭsia ahoń z ŭzbrajeńniaŭ kalibram zvyš 100 milimietraŭ.
Kamientary