Kiraŭnik Raśsielhasnahlada Siarhiej Dankviert prapanavaŭ źniščać falsifikavanuju pradukcyju hetak ža, jak i sankcyjnuju.
«Pieršaje, što treba zrabić, heta padychodzić absalutna identyčna, tak, jak padyšli ciapier da falšyvych dakumientaŭ, da ŭsioj hetaj pradukcyi — źniščać treba», — skazaŭ Dankviert.
Kiraŭnik Raśsielhasnahladu prapanavaŭ pravodzić źniščeńnie falsifikatu za košt jaho vytvorcaŭ, a kali pradukcyju vyjaviać ŭžo ŭ kramie, to za košt kramy.
«Čamu ŭ subjekcie vyrablajuć małako i nie mohuć jaho pradać? Bo tut ža pobač falsifikujuć pradukcyju, i ŭsio robiać vyhlad, što ničoha nie adbyvajecca. I Rasspažyŭnahlad robić vyhlad, što ničoha nie adbyvajecca. Čamu? Dy tamu što jaho heta nie chvaluje. A voś nas chvaluje», — zajaviŭ Dankviert.
29 lipienia ŭ Rasii byŭ padpisany zahad ab źniščeńni sankcyjnych pradukcyi.
Pieršaja partyja praduktaŭ była źniščana 6 žniŭnia. Z tych časoŭ mnohija palityki i hramadskija dziejačy krytykavali inicyjatyvu prezidenta Rasii i prapanoŭvali nakiroŭvać pradukty dla dapamohi haładajučym.
Praduktovaje embarha było ŭviedziena ŭ 2014 hodzie ŭ adkaz na sankcyi krain Zachadu.
Pa dadzienych analityčnaha centra pry rasijskim uradzie, embarha pryviało da rezkaha skačka cen i źnižeńnia jakaści pradukcyi.
Ciapier čytajuć
Andrej Švied, architektar represij, pryznačany staršynioj Viarchoŭnaha suda13
Kamientary