Sacsietki ablacieła viasielnaja fatahrafija, na jakoj adlustravany maładyja ŭ momant abjaŭleńnia ich mužam i žonkaj, paviedamlaje The Daily Mail. Zdymak admietny tym, što la noh siamiejnaj pary lažyć biez prytomnaści hościa cyrymonii.
Zdymak apublikavaŭ na svajoj staroncy žanich Kievin Kenedzi Rajan, padpisaŭšy jaho nastupnym čynam: «Maja siastra zhubiła prytomnaść u momant, kali mianie i Džesi abviaścili mužam i žonkaj». Fotazdymak sabraŭ bolš za miljon «łajkaŭ» i raspaŭsiudziŭsia pa sietcy.
Paźniej Kievin patłumačyŭ cikaŭnym karystalnikam, što zdaryłasia na viasielli ź jaho siastroj: «Cyrymonija doŭžyłasia mienš, čym 20 chvilin, ale jana niervavałasia i niešta źjeła abo vypiła niešta da jaje pačatku. Da taho ž, byŭ vielmi haračy dzień, i ŭ pamiaškańni było dušna».
Taksama jon napisaŭ, što dziaŭčyna pryjšła ŭ siabie praź niekalki chvilin, i «siniak zastaŭsia tolki na jaje eha».
Kamientary