Kredytory pahadzilisia śpisać Ukrainie 20% dziarždoŭhu
Kredytory Ukrainy prapanujuć śpisać 20% ad koštu dziaržaŭnych daŭhavych abaviazacielstvaŭ, paviedamlajuć brytanskaja Financial Times i amierykanskaja Wall Street Journal sa spasyłkaj na ŭłasnyja krynicy.
Śpisańnie 20% — apošniaja ździełka, i abodva baki, zdajecca, nastrojeny pajści nasustrač adzin adnamu, kab vykanać patrabavańnie Mižnarodnaha valutnaha fondu źnizić daŭhi Ukrainy pryvatnym kredytoram na 15,3 młrd dalaraŭ na praciahu nastupnych čatyroch hadoŭ, adznačaje FT.
Pa dadzienych krynicy hetaj haziety, pahadnieńnie moža być dasiahnuta ŭžo na hetym tydni.
Kijeŭ damahajecca śpisańnia 40% doŭhu, zasiarodžanaha ŭ rukach pryvatnych inviestaraŭ. U svaju čarhu inviestary ličać, što Ukraina zmoža vypłacić doŭh, kali pradastaŭlać joj adterminoŭki dla płaciažoŭ.
U mai 2015 Viarchoŭnaja Rada dazvoliła ŭradu časova spynić vypłaty źniešnich daŭhoŭ pierad pryvatnymi kredytorami. Heta rašeńnie nie tyčyłasia dziaržaŭnaha doŭhu Ukrainy.
Śpisańnie 20% daŭhoŭ — heta dobry padarunak da Dnia niezaležnaści. Dziaržaŭny doŭh krainy składaŭ 43 młrd dalaraŭ. Ukraina aščadzić, takim čynam, 8,6 młrd dalaraŭ. Heta ahromnistaja suma.
Śpisańnie takoj sumy — vialiki pośpiech ministra finansaŭ krainy Natalli Jareśki i ŭrada Jacaniuka ŭ cełym.
Nahadajem, što ŭčora ŭ Bierlinie adbyłasia sustreča kiraŭnikoŭ Ukrainy, Niamieččyny i Francyi.
Kamientary