Telefonnaja razmova Uładzimira Pucina i Alaksandra Łukašenki adbyłasia 30 žniŭnia. Jak paviedamlaje pres-słužba Kramla, Pucin «ciopła pavinšavaŭ» Łukašenku z dniom naradžeńnia.
Akramia taho, u chodzie razmovy kiraŭniki krain paćvierdzili uzajemny nastroj na dalejšaje ŭsiebakovaje raźvićcio rasijska-biełaruskich adnosin «ŭ duchu stratehičnaha partniorstva i sajuźnictva», a taksama abmierkavali hrafik dvuchbakovych kantaktaŭ na pierśpiektyvu, adznačyli ŭ pres-słužbie.
Raniej Pucin nakiravaŭ Łukašenka vinšavalnuju telehramu, u jakoj pažadaŭ jamu «mocnaha zdaroŭja, dabrabytu, nievyčerpnaj enierhii i novych pośpiechaŭ u dziaržaŭnaj dziejnaści».
Vinšavańnie ŭ adras kiraŭnika biełaruskaj dziaržavy nakiravaŭ taksama premjer-ministr Rasii Dźmitryj Miadźviedzieŭ, jaki adznačyŭ układ Łukašenki «u raźvićcio brackich rasijska-biełaruskich adnosin, realizacyju bujnych sumiesnych prajektaŭ u šyrokim śpiektry abłaściej».
Alaksandru Łukašenku siońnia spaŭniajecca 61 hod.
Kamientary