U Minsku kolkaść aficyjnych biespracoŭnych za hod vyrasła bolš jak u čatyry razy
Kolkaść biespracoŭnych, zarehistravanych u staličnych orhanach pa pracy, zaniataści i sacyjalnaj abaronie, na kaniec lipienia 2015 hoda skłała 6,6 tys. čałaviek. Heta ŭ 4,3 razu bolš, čym na kaniec lipienia 2014 hoda, i na 3,6% bolš, čym na kaniec červienia 2015 hoda.
Takija danyja apublikavała hałoŭnaje statystyčnaje ŭpraŭleńnie Minska sa spasyłkaj na kamitet pa pracy, zaniataści i sacyjalnaj abaronie Minharvykankama.
Uzrovień zarehistravanaha biespracoŭja na kaniec lipienia 2015 hoda skłaŭ 0,6% ad ekanamična aktyŭnaha nasielnictva (na kaniec lipienia 2014 hoda — 0,1%).
U ekanomicy Minska ŭ studzieni—lipieni 2015 hoda było zaniata 1 młn. 80,5 tys. čałaviek, što na 0,9% mienš, čym u studzieni—lipieni 2014 hoda.
Arhanizacyjami (bieź mikraarhanizacyj i małych arhanizacyj bieź viedamasnaj padparadkavanaści) ŭ lipieni 2015 hoda było pracaŭładkavana 15,9 tys. čałaviek (2,4% siaredniamiesiačnaj kolkaści), u tym liku na dadatkova ŭviedzienyja pracoŭnyja miescy — 1,3 tys. čałaviek, ci 8,2% ad ahulnaj kolkaści pryniatych.
Zvolniena pa roznych pryčynach 16,5 tys. čałaviek (2,5% siaredniamiesiačnaj kolkaści), ź ich 4% — za prahuł i inšyja parušeńni pracoŭnaj dyscypliny, 0,6% — u suviazi sa skaračeńniem kolkaści ci štatu rabotnikaŭ, likvidacyjaj arhanizacyj.
Kaeficyjent zamiaščeńnia rabotnikaŭ (suadnosiny kolkaści pracaŭładkavanych da kolkaści zvolnienych) u lipieni 2015 hoda skłaŭ 0,967 (u lipieni 2014 hoda — 1,054). Kolkaść zvolnienych rabotnikaŭ arhanizacyj Minska pieravysiła kolkaść pracaŭładkavanych na 0,5 tys. čałaviek (u lipieni 2014 hoda kolkaść pracaŭładkavanych pieravysiła kolkaść zvolnienych na 1 tys. čałaviek).
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina19
Kamientary