Premjer-ministr Finlandyi Jucha Sipila źbirajecca addać uciekačam, što prosiać prytułku, svoj dom.
Sipila siońnia naviedvaje horad Oułu na poŭnačy Finlandyi, sprabujučy vyrašyć prablemu raźmiaščeńnia vialikaj kolkaści prośbitaŭ prytułku. Metaj vizitu premjera źjaŭlajecca abmierkavańnie ź miascovymi ŭładami pieradačy svajho doma ŭ Kiempiela pad patreby pierasialencaŭ, paviedamlaje yle.fi.
Siamja premjera žyvie ŭ Sipaa, a dom u Kiempiela faktyčna pustuje.
Sipila zaklikaje ŭsich žycharoŭ Finlandyi adkryć svaje damy dla biežancaŭ.
«Spadziajusia, što heta pieraraście ŭ niekatory narodny ruch, ludzi buduć na dobraachvotnaj asnovie ŭnosić svoj układ u raźmiaščeńnie prośbitaŭ prytułku».
Premjer choča na svaim prykładzie pakazać, što nieabchodna nieści adkaznaść, i, što Finlandyja — šmatkulturnaja kraina.
«Ja zaklikaju ŭsich nie być abyjakavymi», — zajaviŭ jon.
Yle.fi dadaje, što sioleta ŭ Finlandyi paprasili prytułku ŭžo 7 tys. čałaviek.
Ciapier čytajuć
Zahnuŭsia biznes člena chakiejnaj kamandy Łukašenki, jaki abiacaŭ pabudavać łyžny maniež za Viarchoŭnym sudom uzamien na łasyja ŭčastki3
Kamientary