Krama ŭ Biełastoku zapuściła biaspłatny aŭtobus z Hrodna. Na pieršy rejs ŭžo niama miescaŭ
Centr rasprodažaŭ Outlet Białystok zapuściŭ biaspłatny aŭtobus na 19 miescaŭ z Hrodna. Jon budzie jeździć štosubotu. Na pieršy rejs ŭžo niama miescaŭ, raspaviali ŭ kampanii «Transahientstvo Favaryt».
«Aŭtobus zapoŭnili litaralna za niekalki hadzin, — raspaviadaje dyrektar «Transahienctva Favaryt» Uładzimir Saŭko. — Ale jašče nie fakt, što ŭsie, chto zabraniravaŭ miesca, pajeduć. Kali b čałaviek hrošy zapłaciŭ, to pajechaŭ by ci ŭ vypadku čaho pryjšoŭ viarnuć hrošy za kvitok.
Aŭtobus budzie adpraŭlacca z pryharadnaj płatformy № 24 aŭtavakzała Hrodna ŭ 7:00. U Outlet Białystok prybyvaje ŭ 9:00. Biełarusam dajuć try hadziny na naviedvańnie kramy, zatym aŭtobus adpraŭlajecca ŭ Hrodna.
U achvotnych skarystacca biaspłatnym aŭtobusam pavinny być dziejsnyja vizy. Rejs ažyćciaŭlaje polski pieravozčyk.
Pakul dakładna viadoma ab troch rejsach pa maršrucie Hrodna — Outlet Białystok — Hrodna 19, 26 vieraśnia i 3 kastryčnika. Ci budzie jeździć biaspłatny aŭtobus u dalejšym, nieviadoma.
Dajechać ź Minska da Biełastoka na rejsavym aŭtobusie možna za 350 tysiač rubloŭ, z Hrodna za 110—150 tysiač rubloŭ. Šop-tur ź Minska ŭ Biełastok kala 450—600 tysiač rubloŭ u zaležnaści ad dnia i prahramy pajezdki.
«Jana zabrała dziaciej i viarnułasia ŭ Minsk»: historyja biełarusa, jaki emihravaŭ u Barsiełonu ź siamjoj, a zastaŭsia adzin18
Kamientary