Minabarony Litvy: Rasijskaja vajennaja baza ŭ Biełarusi paškodzić narmalizacyi adnosin Minska z NATA i ES
Źjaŭleńnie rasiejskaj vajskovaj bazy ŭ Biełarusi pahoršyć adnosiny hetaj krainy ź Litvoj i pieraškodzić narmalizacyi adnosinaŭ Biełarusi z NATO i Eŭraźviazam. Pra heta zajaviŭ ministar abarony Litvy Juozas Olekas.
«Nie padlahaje sumnievu, što źjaŭleńnie novaj rasiejskaj vajskovaj bazy na terytoryi Biełarusi niebiaśpiečnaje dadatkovaj napružanaściu ŭ našym rehijonie i nehatyŭnym upłyvam na litoŭska-biełaruskija adnosiny. Heta taksama pieraškodzić imknieńniu Biełarusi narmalizavać adnosiny z EZ i NATO», — cytuje Interfaks zajavu Olekasa 21 vieraśnia.
Tak kiraŭnik Minabarony Litvy prakamentavaŭ ukazańnie prezydenta RF Uładzimiera Pucina ministerstvam abarony i zamiežnych spraŭ RF pravieści pieramovy ź Biełaruśsiu ab stvareńni bazy VPS.
Olekas taksama źviarnuŭ uvahu na toje, što Miensk pakul nie apublikavaŭ svaju pazycyju pa hetym pytańni.
Paśla sustrečy ŭ Sočy na minułym tydni z kiraŭnikom Biełarusi Alaksandram Łukašenkam Pucin daŭ rasparadžeńnie abaronnamu viedamstvu RF pravieści razam z MZS pieramovy ź biełaruskimi kalehami pra zasnavańnie bazy VPS.
Rasieja ŭžo maje abjekt radyjolakacyi i kamunikacyi VMF u Biełarusi — krainie, jakaja miažuje z krainami-čalcami NATO Litvoj, Łatvijaj i Polščaj, a taksama z Ukrainaj. Zaplanavany ž abjekt moža stać pieršaj rasiejskaj vajskovaj bazaj na biełaruskaj terytoryi.
Ciapier čytajuć
Unučki Łukašenki paśpiachova zamacavalisia ŭ Rasii7
Kamientary