Minachovy zdaroŭja: Samyja niebiaśpiečnyja impartnyja tavary — pradukty charčavańnia, cacki i bytavaja chimija

Za apošni miesiac u miežach dziaržaŭnaha sanitarnaha nahladu parušeńni pry abarocie tavaraŭ zamiežnaj vytvorčaści vyjaŭlenyja na kožnym trecim abjekcie pravierki. Ab hetym paviedamlaje Ministerstva achovy zdaroŭja Biełarusi. 

«Praktyčna ŭsia vyjaŭlenaja ŭ miežach dziaržsannahladu pradukcyja, jakaja nie adpaviadaje ŭstanoŭlenym patrabavańniam, supravadžałasia aformlenymi samimi vytvorcami ci imparciorami dakumientami ab acency adpaviednaści na jaje sieryjny vypusk (dekłaracyja abo siertyfikat adpaviednaści)», — havorycca ŭ paviedamleńni. 

Siarod najbolej niajakasnych i niebiaśpiečnych impartnych tavaraŭ Ministerstva achovy zdaroŭja vydzieliła charčovyja pradukty (bakalejnyja tavary: prypravy, makarony, čypsy), suchafrukty i arechi, kandytarskija vyraby i piva. U ich vyjaŭlajucca parušeńni patrabavańniaŭ pa mikrabijałahičnych pakazčykach — najaŭnaści ćvili, bakteryj hrupy kišačnaj pałački, draždžej, pa ŭtrymańni nie ŭkazanych na markiroŭcy kansiervantaŭ i farbavalnikaŭ, arhanaleptycy. 

Parušeńni jakaści dziciačych cacak datyčacca nieadpaviednaści patrabavańniam pa ŭzroŭni huku i ŭtrymańni farmaldehidu; srodkaŭ bytavoj chimii — pa vadarodnym pakazčyku rH i indeksie taksičnaści; srodkaŭ asabistaj hihijeny — pa vadarodnym pakazčyku rH i arhanaleptycy (afarboŭvańnie vodnaj vyciažki); vyrabaŭ lohkaj pramysłovaści, pradukcyi dla dziaciej — pa hihraskapičnaści, układańni chimičnych vałoknaŭ; vadkaściaŭ dla myćcia škła ź nizkim zamiarzańniem — pa ŭtrymańni mietyłavaha śpirtu; parfumierna-kaśmietyčnaj pradukcyi — pa mikrabijałahičnych pakazčykach. 

Za vyjaŭlenyja parušeńni patrabavańniaŭ sanitarna-epidemijałahičnaha zakanadaŭstva zabaroniena realizacyja bolš jak 13 ton impartnych charčovych praduktaŭ i bolš za 350 partyj tavaraŭ niecharčovaj hrupy, pryciahnuta da administracyjnaj adkaznaści bolš za 3 tysiačy adkaznych asob, na 320 abjektach abmiežavana realizacyja asobnych vidaŭ tavaraŭ. 

Nahadajem, 27 žniŭnia nabyła moc pastanova ŭrada № 666, jakaja praduhledžvaje abaviazkovuju dziaržaŭnuju sanitarna-hihijeničnuju ekśpiertyzu pradukcyi zamiežnaj vytvorčaści. Pavodle mierkavańnia pradstaŭnikoŭ biźniesu, novyja ŭmovy nadzvyčaj uskładniajuć impart tavaraŭ u Biełaruś. 

U Ministerstvie achovy zdaroŭja adznačajuć, što heta pastanova skiravana «ŭ pieršuju čarhu na abaronu zdaroŭja nasielnictva ad niebiaśpiečnych impartnych tavaraŭ» i dziejnaść pa nahladzie za vykanańniem sanitarna-epidemijałahičnaha zakanadaŭstva pry abarocie pradukcyi budzie praciahnuta.

• 0
• 0
• 0
• 0
• 0
• 0
• 0
• 0