Ukraincy padali na likvidacyju kampanii Kaźbieka Japryncava i źbirajucca sudzicca z «Trajpłam»
Ukrainskaja inviestycyjna-bankaŭskaja kampanija Jaspen Capital Partners padała ŭ sud na Edena Investments, jakaja naležyć Kaźbieku Japryncavu, i maje namier sudzicca z TAA «Trajpł», paviedamiŭ «Salidarnaści» pradstaŭnik Jaspen Capital Partners Piotr Spatar.
— Tydzień tamu my padali ŭ sud BVI (Brytanskich Virhinskich vyspaŭ) na likvidacyju Edena Investments, jakaja naležyć Kaźbieku Japryncavu, Alaksandru Arabianu i Isaaku Papadopułasu.
Na 5 kastryčnika pryznačanaje sudovaje pasiadžeńnie, tam budzie abvieščana ab likvidacyi i pryznačeńni likvidatara. Jon zmoža atrymać dostup da bankaŭskich vypiskaŭ, i my zmožam pahladzieć, kudy Kaźbiek vydatkavaŭ hrošy, jakija byli adpraŭlenyja jamu na dyzielnaje paliva, — raspavioŭ adzin z zasnavalnikaŭ Jaspen Capital Partners Piotr Spatar. — Naohuł, my dziejničajem pa dvuch kirunkach. Akramia taho, što idziem u sud suprać kampanii, jakaja naležyć Kaźbieku i jaho partnioram, my majem namier padać u sud na «Trajpł». Źbirajemsia zrabić heta na hetym tydni. My kantaktavali z «Trajpłam» i atrymali list, padpisany Juryjem Čyžom. U im skazana, što jany nie pryznajuć harantyju «Trajpła» pad našaj uhodaj z Edena Investments. Juryj Čyž zajaviŭ, što nie ŭpaŭnavažvaŭ Uładzimira Japryncava padpisvać z nami harantyjnuju damovu ad imia «Trajpła». My z dadzienaj farmuloŭkaj nie zhodnyja.
Raniej paviedamlałasia, što ŭ lutym 2014 Jaspen Capital Partners sumiesna z zarehistravanaj u Šatłandyi kampanijaj Maratoni padpisała kantrakt z Edena Investments na pastaŭku 2 tys. ton dyzielnaha paliva na ahulnuju sumu bolš za 1,6 młn dalaraŭ. Ździełka harantavałasia hrupaj kampanij «Trajpł» — dakumient ad jaje imia padpisaŭ namieśnik hiendyrektara Uładzimir Japryncaŭ, syn jakoha Kaźbiek źjaŭlajecca adnym z ułaśnikaŭ Edena Investments. Adnak paliva va Ukrainu tak i nie pastupiła, a hrošy Jaspen Capital Partners nie viarnuli.
Pry hetym Piotr Spatar adznačyŭ, što ŭ jaho niama dakładnaj infarmacyi, što zatrymańnie baćki i syna Japryncava moža być źviazana z kanfliktam z Jaspen Capital Partners.
Pa źviestkach «Salidarnaści», Uładzimir Japryncaŭ byŭ zatrymany 11 žniŭnia ŭ minskim aeraporcie pa viartańni z Maskvy, a nie, jak raniej paviedamlałasia, 14 žniŭnia pry śviatkavańni dnia naradžeńnia ŭ restaranie. Jaho syna Kaźbieka zatrymali jašče 8 žniŭnia.
Praź miesiac nijakich aficyjnych kamientaroŭ z nahody losu biźniesmienaŭ pa-raniejšamu niama. Ale kali ŭ Śledčym kamitecie «Salidarnaści» paviedamili, što nie vałodajuć infarmacyjaj ab zatrymańni Uładzimira Japryncava, to ŭ KDB adznačyli, što situacyju nijak nie kamentujuć. Admovilisia ad kamientaroŭ i ŭ TAA «Trajpł».
Partniory Kaźbieka Japryncava pa Edena Investments Alaksandr Arabian i Isaak Papadopułas pa źviestkach «Salidarnaści» ŭ 2000-ch vučylisia ŭ biełaruskich VNU. Isaak Papadopułas, jaki maje hrečaskija karani, jak i syn Uładzimira Japryncava doŭhi čas zajmaŭsia dziudo.
Kamientary