Prezident Rasii Uładzimir Pucin daručyŭ razhledzieć pytańnie ab pierachodzie na ślizhajučy hrafik pačatku navučalnaha hoda. Adpaviedny dakumient byŭ apublikavany na sajcie Kramla ŭ aŭtorak, 22 vieraśnia.
U dakumiencie havorycca, što nieabchodna razhledzieć pytańnie «ab mahčymaści ŭstanaŭleńnia ślizhajučaha hrafika pačatku navučalnaha hoda ŭ ahulnaadukacyjnych i prafiesijnych adukacyjnych arhanizacyjach i vyšejšych navučalnych ustanovach».
Dakład pavinien być pradstaŭleny da 15 listapada 2015 hoda, adkaznymi byli pryznačanyja premjer-ministr Rasii Dźmitryj Miadźviedzieŭ, a taksama najvyšejšyja słužbovyja asoby.
Pres-sakratar prezidenta Dźmitryj Piaskoŭ, kamientujučy hetaje daručeńnie, skazaŭ, što «daručeńnie razhledzieć toje ci inšaje pytańnie nie ŭtrymlivaje jakoj-niebudź pazicyi prezidenta». Pres-sakratar Pucina dadaŭ, što meta daručeńnia — acanić usie plusy i minusy takoj prapanovy.
U kancy lipienia pamočnik prezidenta Rasii Ihar Lavicin prapanavaŭ pieranieści pačatak navučalnaha hoda 1 na 15 vieraśnia dla padtrymki turystyčnaha patoku ŭ «aksamitny siezon».
«Ispanija, Italija, Francyja, — usio zrabili ślizhajučy hrafik z-za turyzmu», — kazaŭ tady jon.
Što Babaryka i Kaleśnikava adkazali na pytańni pra vajnu97
Kamientary