Jarmošyna vyniesła Davydźku «strohaje papiaredžańnie»
Prahrama «Kłub redaktaraŭ» z udziełam staršyni Biełdziaržteleradyjokampanii Hienadzia Davydźki była zapisanaja 11 vieraśnia. U prahramie abmiarkoŭvałasia vybarčaja kampanija, kandydaty i ich prahramy. Adnak ad 10 vieraśnia jon źjaŭlajecca davieranaj asobaj kandydata ŭ prezidenty Alaksandra Łukašenki i pavodle Vybarčaha kodeksu Hienadź Davydźka nie mieŭ na heta prava.
Pa słovach staršyni Centrvybarkama Lidzii Jarmošynaj, jany atrymali skarhu ŭ suviazi z parušeńniem Hienadziem Davydźkam vybarčaha zakanadaŭstva i adreahavali na heta.
«Zarehistravany jon byŭ u jakaści davieranaj asoby 10 vieraśnia, a zapis prahramy adbyvaŭsia 11 vieraśnia – na nastupny dzień. Hienadziu Branisłavaviču było zroblenaje mnoj strohaje papiaredžańnie. Ličycie, što heta było piersanalnaje papiaredžańnie staršyni Centralnaj kamisii».
Tym nie mienš, u Vybarčym kodeksie nie prapisana takoje pakarańnie za parušeńnie vybarčaha zakanadaŭstva, jak «piersanalnaje papiaredžańnie staršyni Centralnaj kamisii». U dakumiencie skazana, što za ździejśnienaje davieranaj asobaj kandydata ŭ prezidenty parušeńnie vynosicca papiaredžańnie samomu kandydatu. I što kali takich papiaredžańni budzie dva, to kandydata mohuć źniać z vybaraŭ.
Z zaŭvahaj Jeŭraradyjo, što nakładzienaje na Hienadzia Davydźku pakarańnie nie praduhledžvajecca Vybarčym kodeksam Lidzija Jarmošyna pahadžajecca, ale nie bolš za toje.
«Niama ŭ Kodeksie takoha. Heta – prafiłaktyčnaja miera ŭździejańnia. A vam treba, kab ja jaho padvierhła rasstrełu za heta?», — kaža Jarmošyna.
Nahadaju, «Kłub redaktaraŭ» z udziełam Hienadzia Davydźki vyjšaŭ u efir kanała BT-1 13 vieraśnia. Staršynia Biełaruskaj asacyjacyi žurnalistaŭ Andrej Bastuniec źviarnuŭ uvahu, što pavodle vybarčaha zakanadaŭstva «žurnalistam, słužbovym asobam srodkaŭ masavaj infarmacyi zabaraniajecca vieści tele- i radyjoprahramy, udzielničać u aśviatleńni vybaraŭ praz srodki masavaj infarmacyi, kali nazvanyja asoby źjaŭlajucca kandydatami ŭ prezidenty albo ich davieranymi asobami».
Kiraŭnik Biełdziaržteleradyjokampanii Hienadź Davydźka ŭ intervju Jeŭraradyjo skazaŭ, što nijakich parušeńniaŭ nie było. Maŭlaŭ, kali prahrama zapisvałasia, to ŭ jaho na rukach jašče nie było mandata davieranaj asoby kandydata ŭ prezidenty.
Azaronak napisaŭ pra palitemihranta — paśla hetaha brata i baćku taho kinuli za kraty2
Azaronak napisaŭ pra palitemihranta — paśla hetaha brata i baćku taho kinuli za kraty
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary