U ZŠA vynajšli łaziernuju brytvu dla haleńnia FOTA
Startapiery ź Irvina, štat Kalifornija, pradstavili pratatyp łaziernaj brytvy. Skarp — stanok, jaki pry sudotyku z vałaskom akuratna zrazaje jaho, pry hetym atrymać apioki abo parezy ad łaziernaj brytvy niemahčyma. Akramia taho, Skarp papiaredžvaje raźvićcio skurnych infiekcyj, bo mikroby i bakteryi parazitujuć akurat na paškodžanych miescach skury.
U paraŭnańni z adnarazovymi stankami łaziernaja brytva Skarp vałodaje i mnostvam inšych pieravah. Naprykład, dla jaje nie treba kuplać darahija kartrydžy, a taksama pienu abo srodki paśla haleńnia. Praces ažyćciaŭlajecca biez bolu, nie vyklikaje razdražnieńnia.
Skarp taksama źjaŭlajecca ekałahična biaśpiečnaj pryładaj: adnarazovyja stanki — heta płastyk, na pryrodnuju pierapracoŭku jakoha patrebny stahodździ (a štohod u śviecie na śmiećcie idzie bolš za 2 młrd brytvaŭ abo pryboraŭ dla kartrydžaŭ), da taho ž dla ich pramyvańnia patrabujecca značnaja kolkaść vady.
Skarp navat pramyvać paśla haleńnia nie treba, ale raspracoŭščyki adznačajuć, što ŭ dušy vykarystoŭvać łaziernuju brytvu možna.
Jaje korpus vyrableny sa spłavu 6061 aluminija. Pracuje łaziernaja brytva ad adnoj batarei AAA, jakoj chapaje prykładna na miesiac. Jak heta adbyvajecca, možna pahladzieć ŭ videaroliku.
U stvareńni łaziernaj brytvy ŭdzielničaŭ Morhan Hustaŭsan (Morgan Gustavsson), jaki ŭ 1989 hodzie raspracavaŭ technałohiju IPL (intensiŭna pulsujučaha śviatła) — jana i siońnia źjaŭlajecca adnoj z najbolš aktualnych u vydaleńni vałasoŭ i dermatałohii. Ideja łaziernaj brytvy ŭ Hustaŭsana źjaviłasia ŭ 2001 hodzie, ale tady jaje realizacyja patrabavała zašmat vydatkaŭ. U 2009 hodzie vučony ździejśniŭ praryŭ i zmoh padabrać daŭžyniu chvali łaziernaha pramienia takim čynam, kab jon moh vydalać vałasinki luboha koleru.
U 2013 hodzie da Hustaŭsana dałučyŭsia Poł Binan (Paul Binun) i ŭdaskanaliŭ technałohiju. Va ŭsich typach vałasinak navukoŭcy vyjavili chramafory (takija hrupy atamaŭ, jakija vyznačajuć koler chimičnaha złučeńnia, ale mohuć pahłynać elektramahnitnaje vypramieńvańnie niezaležna ad afarboŭki hetaha złučeńnia) i zrazumieli, što, kali ŭździejničać na ich łazieram, možna vydalać vałasy bolš efiektyŭna na skury luboha čałavieka niezaležna ad jaho połu, rasy i indyvidualnych asablivaściaŭ.
Kab sabrać srodki na zapusk masavaj vytvorčaści brytvaŭ Skarp, startapiery apublikavali kampaniju na Kickstarter. Pieršym inviestaram viečnaja łaziernaja brytva abyšłasia pa 89 dalaraŭ, i za 24 dni da zaviaršeńnia kampanii na vypusk Skarp ŭžo sabrana kala 250 tysiač dołaraŭ.
Ciapier čytajuć
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje2
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1010
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć10
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
Kamientary