Pierakryty najbujniejšy kanał pastaŭki «šerych» aŭtazapčastak u Biełaruś
Pravaachoŭnymi orhanami pierakryty najbujniejšy kanał pastaŭki «šerych» aŭtazapčastak u Biełaruś, paviedamlaje UUS Minabłvykankama.
Niekatory čas tamu supracoŭnikami ABEZ Minskaha RUUS i orhanaŭ pahraničnaj słužby padčas mierapryjemstvaŭ pa abaronie ŭnutranaha spažyvieckaha rynku była atrymanaja infarmacyja ab tym, što pad Minskam pracuje skład pa prodažy zapčastak dla lehkavych mašyn, dzie realizujucca detali, uviezienyja ŭ krainu pa «šerych» schiemach, h. zn. biez vypłaty nieabchodnych mytnych płaciažoŭ.
Jak vyśvietliłasia ŭ časie papiaredniaj pravierki, kala hoda tamu ŭ stalicy była zarehistravanaja firma pa prodažy zapčastak. Pad Minskam pradprymalniki arandavali vialikaje składskoje pamiaškańnie, na viadomych biełaruskich tematyčnych sajtach raźmiaścili abjavu ab prodažy pa ŭmieranych cenach detalej dla chadavych inamarak, zajaŭki prymali pa telefonach, apieratyŭna dastaŭlajučy pakupnikam zakazanyja tavary. Raźlik vioŭsia najaŭnymi srodkami.
Padčas apieratyŭna-vyšukovych mierapryjemstvaŭ byli ŭstanoŭlenyja jašče dva anałahičnyja składy, raźmieščanyja u Pinsku i Drahičynie, jakija naležali tym ža haspadaram i pracavali pa takoj ža schiemie. Kali infarmacyja paćvierdziłasia i byŭ zafiksavany fakt pierasiačeńnia miažy furaj z čarhovaj partyjaj tavaru, da apieracyi padklučylisia inśpiektary IMPZ pa Minskaj vobłaści, jakija sumiesna z supracoŭnikami ABEZ i pamiežnikami ažyćciavili kantrolnuju zakupku zapčastak u Minskim rajonie, a zatym i ŭ Bresckaj vobłaści. Jak i mierkavałasia, pradprymalniki nie zmahli padać na pradukcyju dakumienty, jakija paćviardžajuć lehalnaść pastupleńnia tavaraŭ u krainu, a taksama ich biaśpieku i jakaść.
Usiaho byŭ nakładzieny aryšt na tavar ahulnym koštam bolš za 3 młrd. rubloŭ.
U dačynieńni da ŭładalnikaŭ biźniesu byli składzienyja pratakoły pa č. 4 art. 12.17 KoAP (parušeńnie praviłaŭ handlu i akazańnia pasłuh nasielnictvu).
Dniami rašeńniem Ekanamičnaha suda Minskaj vobłaści dźvie z troch partyj tavaru byli nakiravanyja ŭ dachod dziaržavy, razhlad jašče adnoj spravy čakajecca ŭ najbližejšy čas.
Ciapier čytajuć
Što Babaryka i Kaleśnikava adkazali na pytańni pra vajnu93
Kamientary