Kiraŭnik dziaržavy Alaksandr Łukašenka patłumačyŭ pryčyny, pa jakich jon nie skarystaŭsia efirnym časam, jaki dajecca kandydatam u prezidenty na telebačańni i radyjo. Pra heta jon raspavioŭ u čas razmovy z rabotnikami Biełaruskaha mietałurhičnaha zavoda ŭ Žłobinie.
Jak adznačyŭ kiraŭnik dziaržavy, sam pa sabie jaho vystup u teleefiry nie źjaŭlajecca prablemaj, jaho zajava pa tych ci inšych aktualnych pytańniach i ciapier praktyčna štodnia pakazvajecca telekanałami.
«Ja liču, što pavinien niejak na praktycy reahavać na pracesy, jakija adbyvajucca, — skazaŭ Alaksandr Łukašenka. — Nu što, ja siadu za ekran i budu raspaviadać, jakaja ŭ nas budzie adukacyja abo achova zdaroŭja? Toj, chto sočyć za majoj palitykaj, toj vydatna viedaje maje padychody: adukacyja i achova zdaroŭja pavinny być u asnoŭnym biudžetnymi. Za dziećmi, starymi budziem hladzieć jak za vokam».
«Vy heta viedajecie. I kali ja pra heta skažu, to vy skažacie: tak, tak i budzie. Tamu što ja takuju liniju pravodžu dva dziasiatki hadoŭ.
Kali chto-niebudź ź ich (inšych kandydataŭ u prezidenty) heta skaža, to vy skažacie: my jaho nie viedajem, zrobić jon heta ci nie», — adznačyŭ kiraŭnik dziaržavy.
Alaksandr Łukašenka pryvioŭ prykład čysta papulisckich zajavaŭ, jakija ahučvaŭ adzin z patencyjnych kandydataŭ u prezidenty na etapie zboru podpisaŭ. U im kazałasia ab płanach stvaryć u Biełarusi 1.000.000 novych pracoŭnych miescaŭ.
Kiraŭnik dziaržavy ŭ suviazi z hetym adznačyŭ, što, naprykład, u stvareńnie novaha cecha i vytvorčaj linii na Biełaruskim mietałurhičnym zavodzie byli ŭkładzienyja dziasiatki i navat sotni miljonaŭ dalaraŭ, i na hetaj vytvorčaści buduć pracavać mienš za 500 čałaviek.
«Heta ž kolki treba hrošaj, kab stvaryć miljon pracoŭnych miescaŭ? — zadaŭ pytańnie kiraŭnik dziaržavy. — Dzie jon ich voźmie? Heta śviedčyć ab tym, što hety čałaviek ci chłusić, ci sam nie razumieje, pra što kaža. I potym, ci patrebny nam siońnia adzin miljon novych pracoŭnych miescaŭ, ci znojdziem my ludziej, kab raźmiaścić ich na novych vytvorčaściach? I heta ž pavinny być supiersučasnyja vytvorčaści, bo inakš pradukcyju nie pradasi».
«Tamu voś jon — papulizm. Bałazie, što našy ludzi nie durni, razabralisia», — padkreśliŭ kiraŭnik dziaržavy.
Alaksandr Łukašenka adznačyŭ, što navat u pieryjad pieradvybarčaj kampanii ŭ bolšaj stupieni zajmajecca praktyčnymi pytańniami raźvićcia krainy, ździajśniaje roznyja zamiežnyja vizity.
«Navat u pieradvybarčuju kampaniju ja nie maju mahčymaści być u krainie: učora — Piekin, zaŭtra — Ńju-Jork», — adznačyŭ jon.
Kiraŭnik dziaržavy, u pryvatnaści, praanansavaŭ, što ŭ bližejšy čas u jaho pavinna adbycca sustreča z kiraŭnikom Mižnarodnaha valutnaha fondu dla abmierkavańnia mahčymaściaŭ supracoŭnictva. Akramia taho, treba budzie ŭdzieł u samicie AAN, zapłanavana šmat sustreč ź lidarami zamiežnych dziaržaŭ.
«Heta ŭsio treba. Mnie navat časam i soramna: ludzi hladziać, zaŭtra hałasavańnie, a prezidenta, jaki znoŭ bałatujecca, niama ŭ krainie. Zrazumiejcie, ja nie adpačyvaju. Mnie ŭžo nadakučyli hetyja pajezdki, pieraloty, — skazaŭ jon. — Tamu kali kamuści treba, ja mahu jamu padaryć hety čas. Ale, samaje cikavaje, jany nie chočuć bolš. Jany razumiejuć, što, vyjšaŭšy na ekran, treba niešta skazać. Nie daj Boh nie toje — dur bačnaja».
«Dumaju, u mianie budzie jašče mahčymaść źviarnucca da vas i skazać litaralna niekalki słoŭ na praciahu 5-7 chvilin napiaredadni vybaraŭ. Kali ŭ vas jość takoje žadańnie, ja abaviazkova na temu vybaraŭ da vas zmahu źviarnucca», — reziumavaŭ Alaksandr Łukašenka.
Ciapier čytajuć
«Ja byŭ u takoj dupie, ale pahladzicie na mianie». Staŭki daviali biełarusa da dna — jon raskazvaje, jak vybraŭsia nazad2
Kamientary