Aficyjny pradstaŭnik ministerstva zamiežnych spraŭ Rasii Maryja Zacharava nazvała «ŭkidami» infarmacyju pra toje, što ŭ vyniku dziejańniaŭ rasijskich VPS u Siryi zahinuli mirnyja žychary.
«Jašče nie paśpieła Rasija razharnuć apieracyju pa supraćdziejańni IDzIŁ, jakaja, jak było skazana nieadnarazova, robicca pa prośbie aficyjnaha Damaska, nie paśpieli prahučać pieršyja słovy Siarhieja Łaŭrova na SB AAN, jak pajšli šmatlikija «ŭkidy» ŭ ŚMI pra toje, što ŭ chodzie rasijskaj apieracyi hinuć mirnyja žychary», — zajaviła Zacharava.
Pradstaŭnik rasiejskaha MZS nazvała hetyja paviedamleńni «infarmacyjnaj atakaj».
Paśla taho, jak rasiejskaja avijacyja naniesła pieršyja avijaŭdary ŭ vakolicach horada Choms, Siryjski centr nazirańnia za vykanańniem pravoŭ čałavieka paviedamiŭ, što siarod zahinułych jość mirnyja žychary. Akramia taho, ahienctva Asašyejted pres sa spasyłkaj na vysokapastaŭlenaha amierykanskaha dypłamata paviedamiła, što rasiejskija pavietranyja ŭdary, miarkujučy pa ŭsim, nanosiacca nie pa pazicyjach «Isłamskaj dziaržavy», a pa atradach apazicyi, jakaja vajuje z Bašaram Asadam.
Pavodle jaho słoŭ, bajevikoŭ ID niama ŭ tym rajonie, dzie dziejničaje rasijskaja avijacyja. Hetuju infarmacyju ŭ intervju vydańniu «Mieduza» paćvierdziŭ žychar horada Tałbisa, jaki znachodzicca pobač z Chomsam, Firas al-Said. «Pieršy ŭdar byŭ naniesieny pa žyłych kvartałach horada, u jakim «Isłamskaj dziaržavy» niama. Horad Tałbisa, jak i Choms, imi nie kantralujecca», — zajaviŭ jon.
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ17
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary