U Minsku na vychadzie ź mietro «Kamiennaja Horka» adkryŭsia pieršy restaran chutkaha charčavańnia – KFC. Sietka znakamitaja svaimi stravami na asnovie kurynaha miasa. Uładalnikam franšyzy stała biełaruskaja kampanija «BiełFudServis».
Na adkryćcio pryjšło dastatkova šmat ludziej. Pa stanie na 11:30 u restaranie byli vydadzienyja 600 zamovaŭ. Nieviadoma tolki, ci ličyli jany ich ad siońnia.
Treba padkreślić, nakolki KFC u Minsku addali pieravahu markietynhu. Za niekalki dzion da adkryćcia jany ładzili zakrytyja viečaryny, razyhryvali kvitki na ŭvachod. Rekłamu ž jany davali za niekalki miesiacaŭ da adkryćcia, pryčym u samych šmatludnych miescach.
Mieniu i ceny
Niekalki dzion tamu KFC u Minsku vykłali ceny na svaju pradukcyju. Kolkaść pazicyj u mieniu prosta ździŭlaje.
Adroźnieńniem KFC ad inšych restaranaŭ chutkaha charčavańnia źjaŭlajecca prysutnaść u ich praduktach kurynaha file i vialikija porcyja kurynych nožak i krył.
Absłuhoŭvańnie
Absłuhoŭvali ŭ KFC vielmi chutka. Za kožnym klijentam jość numar. Kali vašaja zamova budzie hatova, vas pakličuć praz hučnuju suviaź.
Tak, heta sapraŭdy dapamahaje nie stvarać vialikija čerhi. Bo pakul čałaviek čakaje svaju zamovu, jon moža znajści sabie zručnaje miesca ŭ restaranie.
Absłuhoŭvajuć vielmi kulturna. Prablem z parazumieńniem nie było, a luby kasir ź lohkaściu dapamoža vam z vybaram.
Asartymient
Kab dać paŭnavartasnuju acenku ježy ŭ KFC, treba abaviazkova pasprabavać kuracinu. My zamovili standartnuju bulbu-fry z syrnym sousam, burhier Frešer (jaki paraiła kasirka), kavałak kurycy i čaj u płastykavaj butelcy. Usio heta abydziecca vam u 92 500 rubloŭ.
Prysutnaść vilhotnych survetak pakidaje dobraje ŭražańnie ab restaranie.
Adzin kavałak kurycy kaštuje 15 000 rubloŭ. Kali vy idziacie kampanijaj, vam lepiej brać tak zvanaje viadro. Kuryca prosta ŭ klary, nie vostraja, ale hodnaja.
Z burhieram usio składana. Z adnaho boku, tam miesca volnaha niama: znutry vialiki kavałak kurycy ŭ klary i prosta nievierahodna šmat harodniny. Usio heta smačna, ale niemahčyma zastacca čystym paśla ježy.
U bulbie-fry ničoha asablivaha. Usio ž taki bolš nahadvaje «makdakaŭskuju».
Vyniki
KFC adroźnivajecca ad taho ž Makdonaldsa i Burhier Kinha. Ich fiška — kuryca. I heta vyklikaje davier, bo jałavičnyja katlety časam vyhladajuć nie vielmi. Siudy možna pryvodzić dziaciej i spakojna davać pakaštavać kurynaje miasa. Taksama KFC vydzialaje šmat hrošaŭ na rekłamu. Uličvajučy dva vyšej apisanyja faktary, u KFC jość usie šancy vyjści napierad.
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary