Pradstaŭnik Dziaržaŭnaha departamentu ZŠA Mark Tonar zajaviŭ, što mižnarodnyja naziralniki adznačyli «surjoznyja prablemy» padčas hałasavańnia 11 kastryčnika, pa vynikach jakoha dziejny prezydent Alaksandar Łukašenka z bolš jak 83 adsotkami hałasoŭ vybarščykaŭ byŭ pieraabrany na piaty termin.
Prablemy, pa słovach pradstaŭnika Dziarždepartamentu, byli źviazanyja ź niemahčymaściu mižnarodnych i miascovych naziralnikaŭ sačyć za padlikam hałasoŭ. Akramia taho, Tonar zajaviŭ pra amal poŭnuju adsutnaść pradstaŭnikoŭ apazycyi abo niezaležnych naziralnikaŭ u vybarčych kamisijach.
«Svabodnaja i niezaležnaja presa, prastora dla arhanizacyjaŭ hramadzianskaj supolnaści i pracy apazycyjnych partyjaŭ, a taksama poŭny dostup mižnarodnych i ŭnutranych naziralnikaŭ majuć važnaje značeńnie dla zabieśpiačeńnia svabodnych i spraviadlivych vybaraŭ», — adznačyŭ Tonar.
Alaksandar Łukašenka byŭ pieraabrany ŭ piaty raz u chodzie hałasavańnia 11 kastryčnika. Apazycyja nazvała vybary «spektaklem» i zajaviła, što nie pryznaje ich vynikaŭ. Aficyjnyja źviestki ab vynikach vybaraŭ CVK maje abviaścić 16 kastryčnika.
Ciapier čytajuć
Kalekcyju karcin Viktara Babaryki raspradajuć ź vialikimi źnižkami. Ale biez samaha darahoha dla jaho tvora4
Kamientary