U internecie zaklikajuć pryjści na matč BATE—«Barsiełona» ŭ majkach z «Pahoniaj»
Pradprymalnik z Barysava Viktar Harbačoŭ prapanavaŭ pravieści akcyju ŭ padtrymku aštrafavanych za šaliki z «Pahoniaj» futbolnych fanataŭ i kadetaŭ, jakim za fota ŭ cišotkach z «Pahoniaj» pahražaje adličeńnie.
«20 kastryčnika! Hety dzień realna moža być pieramohaj «Pahoni»! Jak? Na «Barysaŭ-Arenie» adbudziecca matč BATE — Barselona, — piša pradprymalnik. — Na matčy budzie 14 tysiač hledačoŭ! Samy čas ź internetaŭskaj padtrymki futbolnych fanataŭ (zatrymanych za «Pahoniu») i kadetaŭ (za «Pahoniu» taksama) pierajści da realnaj padtrymki na hetym matčy. Paru tysiač u cišotkach z «Pahoniaj» (chaj i pad kurtkami) u adzin momant raskryjucca! I pasprabuj aštrafuj tysiačy i ŭžyvi da ich miery. Voś była b padtrymka ŭsich, kaho pieraśledujuć. A samaje hałoŭnaje — uvieś śviet pabačyć sapraŭdny symbal krainy!»
Pra čas, u jaki prychilniki akcyi pakažuć cišotki z «Pahoniaj», jon prapanuje damovicca ŭ dzień hulni.
Raniej ministar unutranych spraŭ Ihar Šunievič nahadvaŭ, što za adzieńnie z vyjavaj «Pahoni» milicyja nia maje prava zatrymlivać ludziej — u administracyjnym kodeksie niama takoha parušeńnia.
-
Narviežac Jochanes Kleba staŭ siamirazovym alimpijskim čempijonam. Da rekorda zusim blizka
-
Hanna Karalova nie trapiła ŭ tryccatku najmacniejšych u kvalifikacyi spryntu
-
«Ja ni pra što nie škaduju. Ja pasprabavała, maryła». Lindsi Von upieršyniu prakamientavała svajo žachlivaje padzieńnie na Alimpijadzie
Kamientary