У інтэрнэце заклікаюць прыйсці на матч БАТЭ—«Барселона» ў майках з «Пагоняй»
Прадпрымальнік з Барысава Віктар Гарбачоў прапанаваў правесьці акцыю ў падтрымку аштрафаваных за шалікі з «Пагоняй» футбольных фанатаў і кадэтаў, якім за фота ў цішотках з «Пагоняй» пагражае адлічэньне.
«20 кастрычніка! Гэты дзень рэальна можа быць перамогай «Пагоні»! Як? На «Барысаў-Арэне» адбудзецца матч БАТЭ — Барсэлёна, — піша прадпрымальнік. — На матчы будзе 14 тысяч гледачоў! Самы час з інтэрнэтаўскай падтрымкі футбольных фанатаў (затрыманых за «Пагоню») і кадэтаў (за «Пагоню» таксама) перайсьці да рэальнай падтрымкі на гэтым матчы. Пару тысяч у цішотках з «Пагоняй» (хай і пад курткамі) у адзін момант раскрыюцца! І паспрабуй аштрафуй тысячы і ўжыві да іх меры. Вось была б падтрымка ўсіх, каго перасьледуюць. А самае галоўнае — увесь сьвет пабачыць сапраўдны сымбаль краіны!»
Пра час, у які прыхільнікі акцыі пакажуць цішоткі з «Пагоняй», ён прапануе дамовіцца ў дзень гульні.
Раней міністар унутраных спраў Ігар Шуневіч нагадваў, што за адзеньне з выявай «Пагоні» міліцыя ня мае права затрымліваць людзей — у адміністрацыйным кодэксе няма такога парушэньня.
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза19
Каментары