Sioleta 10 vieraśnia Zhurtavańniu biełarusaŭ śvietu «Baćkaŭščyna» spoŭniłasia 25 hadoŭ. Čverć stahodździa Zhurtavańnie pracuje dziela kansalidacyi biełarusaŭ niezaležna ad miesca pražyvańnia na hruncie lubovi da našaj supolnaj historyi, kultury, rodnaj movy. Dasiahnieńni biełarusaŭ zamiežža — nieadjemnaja častka našaj supolnaj historyi i sučasnaści, našaj kultury. Jany vartyja vyvučeńnia i papularyzacyi. Spravy i tvory narodžanych u Biełarusi mastakoŭ, piśmieńnikaŭ, kampazitaraŭ, palitykaŭ, hramadskich dziejačaŭ dy zvyčajnych biełarusaŭ va ŭsie časy ŭpłyvali i praciahvajuć upłyvać na farmavańnie ŭjaŭleńniaŭ pra biełaruskuju nacyju ŭ śviecie. A što sami žychary siońniašniaj Biełarusi viedajuć pra našych zamiežnych suajčyńnikaŭ?
Kab razumieć, jakimi praz surodzičaŭ za miažoj nas bačyć śviet, i z nahody svajho jubileju Zhurtavańnie biełarusaŭ śvietu «Baćkaŭščyna» abviaščaje konkurs prac, pryśviečanych historyi i sučasnaści biełaruskaha zamiežža.
Da razhladu prymajucca aryhinalnyja aŭtarskija teksty navukovaha, navukova-papularnaha, publicystyčnaha charaktaru. Jany mohuć być pryśviečanyja roznym aśpiektam žyćcia i dziejnaści biełarusaŭ u zamiežžy, u tym liku:
— bijahrafijam piśmieńnikaŭ, mastakoŭ, kampazitaraŭ, palitykaŭ, hramadskich i inšych dziejačaŭ, čyjo žyćcio i tvorčaść źviazanyja z zamiežžam;
— asensavańniu tvorčaj spadčyny dziejačaŭ biełaruskaha zamiežža;
— historyi masavych emihracyj, pierasialeńniaŭ biełarusaŭ pa-za miežy Biełarusi;
— historyi abo sučasnaści biełaruskaj prysutnaści ŭ asobnaj krainie;
— dziejnaści biełaruskich dziaržaŭnych pradstaŭnictvaŭ na Zachadzie: Rady Biełaruskaj Narodnaj Respubliki, Biełaruskaj Centralnaj Rady;
— dziejnaści asobnych biełaruskich arhanizacyj, supołak, kalektyvaŭ, srodkaŭ masavaj infarmacyi;
— sacyjalnym, ekanamičnym, kulturnym aśpiektam isnavańnia biełaruskaha zamiežža.
U skład žury konkursu ŭvachodziać siabry Rady MHA «ZBS «Baćkaŭščyna»:
- Natalla Hardzijenka, historyk, namieśnik dyrektara BDAMŁM,
- Lavon Jurevič, archivist Ńju-jorskaj publičnaj biblijateki,
- dr. Vitaŭt Kipiel, staršynia BINiMa,
- dr. Janka Zaprudnik, siabra ŭpravy BINiMa,
- Valery Hierasimaŭ, zahadčyk adździełu staradrukaŭ i redkich vydańniaŭ Prezidenckaj biblijateki Respubliki Biełaruś, namieśnik staršyni Rady MHA «ZBS «Baćkaŭščyna».
Da ŭdziełu zaprašajucca jak prafiesijnyja navukoŭcy, tak i amatary, jak stałyja daśledčyki, tak i pačatkoŭcy ź Biełarusi i zamiežža.
Teksty pavinny być raniej nie publikavanyja i napisanyja na biełaruskaj movie.
Pa vynikach konkursu pieramožcy atrymajuć kaštoŭnyja ŭznaharody, a najlepšyja pracy ŭdzielnikaŭ buduć apublikavanyja.
Pamier tekstaŭ da 1 aŭtarskaha arkuša (kala 40 tysiač znakaŭ).
Dasyłać pracy treba ŭ elektronnym vyhladzie z paznakaj «Na konkurs» na adras: zbsb.minsk@gmail.com da 1 studzienia 2016 hoda.
Kamientary