U sieryi «Biblijateka Baćkaŭščyny» pabačyła śviet novaja, 27-ja kniha — zbor tvoraŭ Piatra Murzionka «Adviečnyja płyni». Ukłaŭ knihu syn piśmieńnika Piotra Murzionak, jaki žyvie ŭ Kanadzie. Aŭtar tvoraŭ, što ŭvajšli ŭ knihu — Piotr Silviestravič Murzionak naradziŭsia ŭ 1930 hodzie ŭ Biełarusi, u jakoj i pražyŭ bolšuju častku svajho žyćcia, nastaŭničaŭ. Tolki ŭ 2003 h. jon źjechaŭ u Kanadu da svaich dziaciej, dzie taksama pracavaŭ nastaŭnikam razam z žonkaj Danataj Hienrychaŭnaj u subotniaj biełaruskaj škole ŭ Atavie.
Pieršaja kniha Piatra Silviestravaviča naradziłasia mienavita ŭ Kanadzie, u 2008 hodzie, kali aŭtaru było 78 hadoŭ. U zbornik, jaki atrymaŭ nazvu «Nad Dzisienkaj rakoj», uvajšli ŭspaminy aŭtara pra žyćcio ŭ Biełarusi – ad samaha naradžeńnia da adjezdu za miažu. «Adviečnyja płyni» – druhaja kniha aŭtara, jakaja vyjšła ŭžo paśla śmierci Piatra Silviestraviča (jaho nie stała ŭ 2010 hodzie). Kniha ŭtrymlivaje raniej niepublikavanyja ŭspaminy pra žyćcio ŭ Kanadzie, jakija mieli suhučnuju nazvu «Nad Atavaj rakoj». Akramia hetaha, u knizie źmieščanaja nizka raskazaŭ dla dziaciej, navieły i apaviadańni z žyćcia i histaryčnyja apovieści. Apošniuju častku knihi skłali artykuły, apublikavanyja ŭ haziecie «Biełarus», dy listavańnie aŭtara.
Kniha «Adviečnyja płyni» azdoblenaja kalarovymi zdymkami ź siamiejnaha archivu.
Nabyć knihu možna ŭ kniharniach Minska: «Akademkniha» (pr-t Niezaležnaści, 72), kniharnia «łohvinaŬ» (pr-t Niezaležnaści, 37A), «Kniharnia piśmieńnika» (vuł. Kazłova, 2), «Viedy» (vuł. K.Marksa, 36), «Centralny knižny» (pr-t Niezaležnaści, 19), «Knihi & knižački» (pr-t Niezaležnaści, 14).
Taksama kniha jość u kniharniach inšych haradoŭ: «Śvietač» (Viciebsk, vuł. Kirava, 10), «Iskra» (Bieraście, vuł. Puškinskaja, 4), «Pramietej» (Harodnia, vuł. Savieckaja, 10).
Ciapier čytajuć
Siońnia Minsk pračnuŭsia ŭnačy ad hučnaha huka, padobnaha da drona7
Siońnia Minsk pračnuŭsia ŭnačy ad hučnaha huka, padobnaha da drona
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary