U knižnaj sieryi «Biblijateka Baćkaŭščyny», zasnavanaj Zhurtavańniem biełarusaŭ śvietu «Baćkaŭščyna» vyjšła ŭžo 28-ja kniha. Jana maje nazvu «Rada BNR 1982—1997. Padziei, dakumienty, asoby», paviedamlaje zbsb.org.
Kniha stała praciaham supolnaj pracy archivistaŭ Lavona Jureviča i Natalli Hardzijenka, jakija dva hady tamu sabrali pad adnoj vokładkaj dakumienty, datyčnyja dziejnaści Rady BNR časoŭ Mikoły Abramčyka, a letaś vydali anałahičny zbor dakumientaŭ, źviazanych ź biełaruskim dziaržaŭnym pradstaŭnictvam u vyhnańni časoŭ kiravańnia Vincenta Žuk-Hryškieviča.
Novaje vydańnie achoplivaje pieryjad, kali Radaj BNR kiravaŭ Jazep Sažyč.
Jazep Sažyč byŭ staršynioj Rady BNR
u 1982—1996 hh.
Zbor dakumientaŭ skłali pratakoły, listavańnie, biblijahrafija, bijahrafičnyja narysy, chronika dziejnaści, inšyja dakumienty Rady BNR, fatahrafii.
«Spačatku my nie dumali rabić treciuju knihu, bo pieryjad prezidenctva Jazepa Sažyča samy nievyrazny ŭ historyi Rady BNR. Za vyniatkam adnaho-dvuch radnych u hety čas, bolšaść była biaździejnaja», — kaža Natalla Hardzijenka.
«Takaja biaździejnaść adbiłasia i ŭ dakumientach, u adsutnaści publikacyj pra Radu ŭ pieryjodykach, u tym liku ŭ haziecie «Biełarus». Adnak paśla zakančeńnia druhoj knihi my vyrašyli, što historyja patrabuje zaviaršeńnia …. Takim čynam historyja pavajennaj Rady BNR ciapier napisanaja. A nastupny tom, pryśviečany staršynioŭstvu Ivonki Surviły, — sprava ŭžo nie historykaŭ, a palitołahaŭ», — zaznačaje historyk, namieśnik dyrektara Biełaruskaha dziaržaŭnaha archiva-muzieja litaratury i mastactva.
***
Kniha «Rada BNR 1982-1997. Padziei, dakumienty, asoby» vydadzienaja sumiesna ź Biełaruskim instytutam navuki i mastactva i vyjšła ŭ vydaviectvie «Knihazbor».
Nabyć jaje možna ŭ hałoŭnych kniharniach horada, naprykład, u «Akademknizie», «Kniharni piśmieńnika» na vuł. Kazłova, «Centralnaj kniharni», «Viedach» na Marksa i h.d.
-
Bolš za 13 tysiač minskich vypusknikoŭ sabrali na «Minsk-Arenie». Słuchali Lošu Śvika FOTY
-
«Nie bačyła nivodnaha smažanaha sabaku». Biełaruska raskazała, jak adpačyła ŭ Vjetnamie
-
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Ciapier čytajuć
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava3
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć3737
Kamientary