Mikałaj Mirny: «Maks nie maje dačynieńnia da adkryćcia HC «LeninHrad»
Baćka tenisista Maksima Mirnaha Mikałaj Mirny ŭ intervju kyky.org raspavioŭ pra toje, što jaho syn nie maje dačynieńnia da niadaŭna adkrytaha ŭ Minsku HC «LeninHrad».
— Maks Mirny ŭžo niekalki hadoŭ nie maje nijakaha dačynieńnia da kampanii «Mirny Šlach». My vyjšli z hetaha biznesu.
— Čym tady rastłumačyć napisanaje na sajcie «MMK Inviest»?
— Sajt nie chłusić: «Mirny Šlach» zasnavany pry našym udziele.
— Z taho, što my čytajem na sajcie, možna zrabić vysnovu, što kampanii Kurbyki i Mirnaha da hetaha času pracujuć razam.
— Treba, napeŭna, usio-taki daviedacca, što z hetaj nahody dumajuć jurysty.
Ni da nazvy, ni da kancepcyi, ni da savieckaj tematyki adkryćcia Mirnyja adnosin nie majuć.
Akciory ŭ abliččy Lenina i Stalina na adkryćci? Ja dumaju, markietołahi pierakanali kiraŭnictva kampanii, što tak treba. Ale kali b ja adkryvaŭ hety handlovy centr, ja b šukaŭ što-niebudź inšaje. Tančejšymi treba być», — skazaŭ Mikałaj Mirny.
Kamientary