Heta dazvolić joj zarabić sioleta na hetym rynku amal paŭmiljarda dalaraŭ.
Z traŭnia 2008 h. pa sakavik 2009 h. BKK pastavić indyjskaj kampanii IPL pa novym košcie kala 750 tys t. uhnajeńniaŭ. Kampanija IPL źjaŭlajecca stratehičnym partneram Biełarusi. Jana zabiaśpiečvaje 60% indyjskaha kalijnaha rynka.
Nahadajem, što ciaham minułaha hodu BKK trojčy ŭzdymała ceny na svaju pradukcyju. Rost cenaŭ abhruntoŭvajecca imklivym raźvićciom technalohijaŭ vytvorčaści bijapaliva, u jakaści syraviny dla jakoha vykarystoŭvajucca sielhaskultury. Akramia taho, ceny na inšyja ŭhnajeńni ŭžo pierakročyli miažu ŭ tysiaču dalaraŭ za tonu.
Ahladalnica hazety «Biełorusy i rynok» Taciana Manionak miarkuje, što «Biełaruskaja kalijnaja kampanija» demanstruje prafesijanalizm, umieła karystajučysia suśvietnaj kańjunkturaj na kalijnyja ŭhnajeńni. Pa jaje słovach, kalijny rynak vielmi deficytny — niedachop pradukcyi siahaje da 2 młn t. Ceny na ŭhnajeńni buduć raści ciaham bližejšych 1‑2 hadoŭ. Ekspert adznačaje, što padpisańnie novaha kantraktu ź indyjskaj kampanijaj pierad pačatkam pieramovaŭ z Kitajem było vielmi važnym krokam dla BKK.
«Takim čynam biełaruskaja kampanija akreśliła dla kitajskich partneraŭ prykładnuju canu pastavak uhnajeńniaŭ u Kitaj», — zaznačyła T. Manionak.
Toje, što kantrakt z Kitajem dahetul nie padpisany, na dumku eksperta aznačaje, što ciapier iduć napružanyja pieramovy.
Amerykanski rynak, u suviazi z pachaładańniem adnosinaŭ z ZŠA, surjoznych kłopataŭ kampanii pakul nie prynios. Pavodle acenak ekspertaŭ, pierachod u raźlikach na eŭra abydziecca «Biełaruśkaliju» u $10‑12 młn. Heta nie katastrafična dla paśpiachovaj kampanii, što zajmaje liderskija pazycyi na suśvietnym rynku, kaža ahladalnica «BR».
Siońnia BKK suśvietny lider, zajmaje 30 % suśvietnaha rynku pastavak kalijnych uhnajeńniaŭ. Maje 5 pradstaŭnictvaŭ: u Piekinie, Deli, San‑Paŭłu, Čykaha, Synhapury. Eŭrapejski rynak zabiaśpiečvajecca ź Miensku, dzie mieścicca štab‑kvatera BKK. Pradukcyja kampanii hruzicca ŭ partach Kłajpedy (Litva), Ventśpiłs (Łatvija), Mikałajeŭ (Ukraina).
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary