Prakuraturaj Minskaj vobłaści raspačataja kryminalnaja sprava ŭ dačynieńni da hrupy asob pa fakcie zamachu na zavałodańnie šlacham padmanu majomaściu ŭ asabliva bujnym pamiery — biudžetnymi hrašovymi srodkami.
Jak paviedamiŭ načalnik adździeła abłasnoj prakuratury Dźmitryj Siankievič, ustanoŭlena, što machlary, vałodajučy viedami ŭ śfiery padatkaabkładańnia jurydyčnych asob, źbiralisia vykraści šlacham niezakonnaha viartańnia ź biudžetu padatku na dadadzieny košt hrašovyja srodki ŭ sumie bolšaj za 23 młrd rubloŭ. Dla ažyćciaŭleńnia svajoj zadumy imi biez mety ažyćciaŭleńnia kamiercyjnaj dziejnaści byŭ zarehistravany na terytoryi Minskaha rajona subjekt haspadarańnia — ZAT. Stvareńnie firmy nieabchodna było tolki dla praviadzieńnia praź jaje ździełak ab kupli-prodažy technałahičnaha abstalavańnia.
U realnaści zakrytym akcyjaniernym tavarystvam abstalavańnie nie nabyvałasia, ździełki ab jaho kupli i nastupnym prodažy byli fiktyŭnymi, tavar zastavaŭsia ŭ pieršapačatkovych jurydyčnych uładalnikaŭ.
Zatym padazronyja šlacham praviadzieńnia adzinaj ekspartnaj ździełki i naŭmysnaha ŭstrymańnia ad atrymańnia prybytku ŭ vyniku realizacyi pasłuh unutry respubliki stvaryli ŭnikalnuju situacyju, kali abarot pa staŭcy padatku na dadadzieny košt (PDK) dla ZAT skłaŭ 0%, što dazvoliła źviarnucca ŭ padatkovuju inśpiekcyju z patrabavańniem ab viartańni PDK pa nabytym abstalavańni.
Pry hetym, jak zaznačajuć u prakuratury, staŭka PDK 0% praktyčna nie prymianiajecca, pakolki dla hetaha nieabchodna, kab subjekt haspadarańnia ažyćciaŭlaŭ pastaŭku tavaraŭ tolki na ekspart, biez ažyćciaŭleńnia haspadarčaj dziejnaści ŭnutry krainy, što byvaje vielmi redka.
Supraćpraŭnyja dziejańni hrupaj asob nie byli daviedzienyja da kanca, tamu što ich złačynnuju zadumu vyjavili padatkovyja orhany pry praviercy dakumientaŭ, jakija dajuć prava na viartańnie padatku.
Takim čynam, sumiesnymi dziejańniami supracoŭnikaŭ prakuratury Minskaj vobłaści i terytaryjalnaj padatkovaj inśpiekcyi praduchilena naniasieńnie dziaržavie ŭronu ŭ asabliva bujnym pamiery.
Dla praviadzieńnia papiaredniaha rasśledavańnia kryminalnaja sprava nakiravana va USK pa Minskaj vobłaści.
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska9
Kamientary