Łatuška: Nie treba siabie padmanvać «pamiłavańniami» palitviaźniaŭ
Kiraŭnik Narodnaha antykryzisnaha ŭpraŭleńnia i člen Abjadnanaha pierachodnaha kabinieta Biełarusi Pavieł Łatuška vystupiŭ z zajavaj z nahody čarhovaha ŭkaza ab pamiłavańni palitviaźniaŭ, vydadzienaha Łukašenkam.
U svajoj zajavie Łatuška padkreślivaje, što samo vykarystańnie termina «pamiłavańnie» ŭ dačynieńni da dziejańniaŭ Łukašenki — niasłušnaje, bo:
«Nielha pamiłavać ni ŭ čym nie vinavatych ludziej, jakich ty kinuŭ za kraty pa falšyvych, palityčna matyvavanych prysudach».
Taksama jon adznačyŭ umoŭnaść znachodžańnia ludziej, jakija vychodziać z turmaŭ, na volu, bo «hetyja ludzi znachodziacca… u stanie mocna zrezanych pravoŭ i pad piermanientnym kantrolem siłavych viedamstvaŭ. Jany zastajucca represavanymi».
Urešcie,
«pamiłavaŭšy» adnych, režym Łukašenki kinuŭ za kraty inšych biełarusaŭ i raspačaŭ jašče sotni kryminalnych spraŭ. Represii nie spynilisia, ni jakasna, ni kolkasna. Jany naadvarot narastajuć».
Pry hetym Łatuška źviartaje ŭvahu, jak Łukašenka sprabuje vykarystoŭvać svaje pamiłavańni dla prapahandy i pierachopu paradku dnia: maŭlaŭ,
«naviazvaje naratyŭ pra toje, što abmiarkoŭvać treba tolki jaho «pamiłavańni», a kazać pra represii, jakija ŭzmacniajucca, nielha ni ŭ jakim vypadku. I tym bolš nielha kazać pra sankcyi i cisk na režym z metaj prymusu jaho da poŭnaha spynieńnia represij».
Toje, što hetyja naratyvy «ŭžo asobnyja pradstaŭniki demsiłaŭ za im paŭtarajuć», Łatuška ličyć kiepskaj prajavaj.
«Ja dumaju, što chtości pavinien nazvać rečy svaimi imionami i skazać, što heta nazyvajecca nijak inakš, jak «stakholmski sindrom», — zajaŭlaje Łatuška.
I padkreślivaje:
«Represii pavinny spynicca. Pakul jany praciahvajucca — šukać «pazityŭnyja sihnały» ŭ dziejańniach Łukašenki biessensoŭna. Łukašenka pavinien adkazać za ŭsie svaje złačynstvy: zabojstvy, katavańni, masavyja represii ŭ dačynieńni da biełarusaŭ. Nielha zabyvać heta».
Jaŭhien Dudkin patłumačyŭ, čamu staŭ sakretnym ahientam KDB16
Kamientary