Biełaruś u miežach kaardynacyi makraekanamičnaj palityki z Rasijaj pahoršyła prahnoz cany na naftu na 2016 hod, paviedamiŭ pieršy namieśnik ministra ekanomiki Alaksandr Zabaroŭski, vystupajučy 18 listapada na pašyranym pasiadžeńni pastajannych kamisij Pałaty pradstaŭnikoŭ Nacyjanalnaha schodu.
Pavodle jaho słoŭ, vieraśnioŭski varyjant prahnozu ŭrada na nastupny hod praduhledžvaŭ, što siaredniehadavaja cana nafty na nastupny hod čakałasia na ŭzroŭni 57 dołaraŭ za baral.
«U paraŭnańni z bazavym varyjantam, jaki abmiarkoŭvaŭsia ŭ vieraśni, my pahoršyli prahnoz pa siaredniehadavoj canie na naftu z 57 da 50 dołaraŭ za baral u 2016 hodzie. Naš prahnoz supadaje z rasijskimi acenkami, my taksama skaardynavali z Rasijaj i scenaryj pa abmiennym kursie rasijskaha rubla», — skazaŭ Alaksandr Zabaroŭski.
Na jaho dumku, prahnoznyja paramietry, uzhodnienyja z Rasijaj, najbolš realistyčnyja. «U hetych umovach hałoŭnymi faktarami vystupiać ekspart i aktyŭnaje ŭciahvańnie zamiežnych inviestycyj, uklučajučy zamiežnyja kredytnyja linii», — zaznačyŭ Zabaroŭski.
Jon paviedamiŭ, što ŭ nastupnym hodzie rost ekspartu tavaraŭ i pasłuh prahnazujecca na ŭzroŭni 3,5%.
«Niestabilnaść cen na naftu, kalij i mietały strymlivaje vartasnyja pakazčyki źniešniaha handlu. Rost fizičnych ab`iomaŭ ekspartu zastajecca hałoŭnym ruchavikom ekanamičnaha rostu», — padkreśliŭ čynoŭnik.
Pavodle jaho słoŭ, z metaj padtrymańnia kankurentazdolnaści ekspartu ŭ nastupnym hodzie płanujecca zachavać hnutkuju kursavuju palityku, «kamfortnuju dla našych eksparcioraŭ».
Poruč z ekspartam krynicaj ekanamičnaha rostu ŭ nastupnym hodzie pavinna stać pavyšeńnie efiektyŭnaści inviestycyj, miarkuje Zabaroŭski.
«Va ŭmovach abmiežavanaści ŭnutranych resursaŭ pryjarytetam ź`iaŭlajecca pryciahnieńnie źniešnich inviestycyj. U cełym za košt źniešnich krynic realna ŭciahnuć u ekanomiku ŭ 2016 hodzie kala 3 młrd. dołaraŭ ZŠA (praz vykarystańnie adkrytych kredytnych linij, kredytnych resursaŭ Kitaja i mižnarodnych finansavych arhanizacyj)», — skazaŭ pieršy namieśnik ministra ekanomiki.
Varta adznačyć, što ranicaj 18 listapada Brent na mižnarodnych rynkach tarhavaŭsia ŭ rajonie 43-44 dalaraŭ za barel.
Ciapier čytajuć
Pobač z Łukašenkam na chakiei źjaviłasia novaja pryhažunia15
Kamientary