Čatyry apazicyjnyja struktury — ruch «Za Svabodu», Abjadnanaja hramadzianskaja partyja (AHP), arhkamitet pa stvareńni partyi «Biełaruskaja chryścijanskaja demakratyja» (BCHD) i Partyja BNF — stvarajuć novuju pravacentrysckuju kaalicyju.
Pradstaŭniki hetych arhanizacyj padčas vizitu ŭ Brusiel 17—19 listapada padpisali dekłaracyju ab stvareńni pravacentrysckaha błoka. Vizit prachodziŭ pa zaprašeńni Jeŭrapiejskaj narodnaj partyi.
Miarkujecca, što novaja kaalicyja budzie sumiesna ŭdzielničać u dźviuch najbližejšych vybarčych kampanijach šlacham stvareńnia adzinaha śpisa kandydataŭ u deputaty pałaty pradstaŭnikoŭ na parłamienckich vybarach 2016 hoda i vyłučeńnia adzinaha kandydata ŭ prezidenty na vybarach 2020 hoda.
Pradstaŭniki zhadanych struktur pakul nie paćviardžajuć fakt padpisańnia dekłaracyi ab stvareńni kaalicyi. Razam z tym jany nie admaŭlajuć, što pravacentrysckija arhanizacyi abmiarkoŭvajuć płany sumiesnaj dziejnaści.
«Zaraz my pracujem nad stvareńniem placoŭki dla sumiesnaj dziejnaści, — paviedamiŭ BiełaPAN staršynia AHP Anatol Labiedźka. — Pahladzim, što z hetaha atrymajecca. Siońnia nikoha nie ździviš stvareńniem niejkaj kaalicyi. Nam chaciełasia b pa-dobramu ździŭlać całkam kankretnymi dziejańniami».
Pavodle słoŭ Labiedźki, niama ničoha niečakanaha ŭ tym, što pravacentrysckija struktury pačali kaardynavać svaju dziejnaść. «Takuju placoŭku lahčej stvaryć, kali ŭ jaje asnovie lažać ideałahičnyja kaštoŭnaści i ahulnaje razumieńnie, jak raźvivać krainu. Z adnaho boku, heta abjektyŭny praces, što iduć kansultacyi. Ale pakul ja b kazaŭ aściarožna ab stvareńni placoŭki, na jakoj moža źjavicca surjoznaja kaalicyja. Nu, a zaniepakojenyja my ŭ pieršuju čarhu zusim kankretnymi kirunkami dziejnaści, kampanijami, jakija ŭ nas mohuć być», — skazaŭ lidar AHP.
Aleksijevič narešcie vykazałasia pra Izrail i Paleścinu2
Kamientary