Słužba biaśpieki Ukrainy paviedamiła pra zatrymańnie «dyviersijna-raźviedvalnaj hrupy», u składzie jakoj dziejničali dvoje rasijanaŭ i troje ŭkraincaŭ.
«Jašče adzin z členaŭ [hrupy] supraciŭlaŭsia z užyvańniem aŭtamatyčnaj zbroi, paraniŭšy pry hetym dvuch supracoŭnikaŭ śpiecpadraździaleńnia «Alfa» i byŭ abiasškodžany, — napisała ŭ fejsbuku pres-sakratar SBU Alena Hitlanskaja. — Stan adnaho z paranienych krytyčny, u hetyja chviliny daktary zmahajucca za jaho žyćcio».
Pavodle infarmacyi pres-sakratara, z pamiaškańnia, dzie chavaŭsia dyviersant, supracoŭniki «Alfy» pad ahniom spačatku evakujavali haspadaroŭ kvatery i ich siamihadovaje dzicia i tolki potym uziali pamiaškańnie šturmam.
Jak śćviardžaje Hitlanskaja, pry zatrymańni byŭ kanfiskavany bujny arsienał: vosiem padrychtavanych samarobnych vybuchovych pryład, 4 kh traciłu, 40 hranat, 2000 patronaŭ.
Pa źviestkach SBU, dyviersanty dziejničali ŭ niekalkich haradach Ukrainy, uklučajučy Kijeŭ.
Na fonie paharšeńnia adnosinaŭ Maskvy i Kijeva paśla ŭciokaŭ eks-prezidenta Ukrainy Viktara Janukoviča ŭ Rasiju pa abodva baki miažy pačaścilisia vypadki abvinavačvańni tych ci inšych asob u dyviersii i špijanažy.
Dakładnaja kolkaść i imiony rasijskich hramadzian, aryštavanych pa abvinavačvańni ŭ špijanažy na karyść Ukrainy paśla anieksii Kryma i pačatku bajavych dziejańniaŭ u Danbasie, nieviadoma.
Ciapier čytajuć
U Varšavu pryjechała sotnia biełaruskich palitviaźniaŭ16
Kamientary