Служба бяспекі Украіны паведаміла пра затрыманне «дыверсійна-разведвальнай групы», у складзе якой дзейнічалі двое расіянаў і трое ўкраінцаў.
«Яшчэ адзін з членаў [групы] супраціўляўся з ужываннем аўтаматычнай зброі, параніўшы пры гэтым двух супрацоўнікаў спецпадраздзялення «Альфа» і быў абясшкоджаны, — напісала ў фэйсбуку прэс-сакратар СБУ Алена Гітлянская. — Стан аднаго з параненых крытычны, у гэтыя хвіліны дактары змагаюцца за яго жыццё».
Паводле інфармацыі прэс-сакратара, з памяшкання, дзе хаваўся дыверсант, супрацоўнікі «Альфы» пад агнём спачатку эвакуявалі гаспадароў кватэры і іх сямігадовае дзіця і толькі потым узялі памяшканне штурмам.
Як сцвярджае Гітлянская, пры затрыманні быў канфіскаваны буйны арсенал: восем падрыхтаваных самаробных выбуховых прылад, 4 кг трацілу, 40 гранат, 2000 патронаў.
Па звестках СБУ, дыверсанты дзейнічалі ў некалькіх гарадах Украіны, уключаючы Кіеў.
На фоне пагаршэння адносінаў Масквы і Кіева пасля ўцёкаў экс-прэзідэнта Украіны Віктара Януковіча ў Расію па абодва бакі мяжы пачасціліся выпадкі абвінавачванні тых ці іншых асоб у дыверсіі і шпіянажы.
Дакладная колькасць і імёны расійскіх грамадзян, арыштаваных па абвінавачванні ў шпіянажы на карысць Украіны пасля анексіі Крыма і пачатку баявых дзеянняў у Данбасе, невядома.
Цяпер чытаюць
Бабарыка тры хвіліны адказваў на пытанне, чый Крым. Так і не адказаў86
Каментары