Vynikam pieramovaŭ pa Siryi staŭ ŭzhodnieny prajekt rezalucyi Rady Biaśpieki AAN, pryniaty ŭviečary ŭ piatnicu. Jon praduhledžvaje spynieńnie ahniu, stvareńnie kanstytucyi ŭ šaścimiesiačny termin, praviadzieńnie na praciahu 18 miesiacaŭ vybaraŭ i viadzieńnie adzinaha antyterarystyčnaha frontu.
Hety płan raspracavała kanfierencyja Mižnarodnaj hrupy padtrymki Siryi, dzie sabralisia kiraŭniki zamiežnapalityčnych viedamstvaŭ 18 krain.
Płan byŭ zaćvierdžany na pasiadžeńni Rady biaśpieki AAN, pieradajuć mižnarodnyja infarmacyjnyja ahienctvy.
U kanfierencyi Mižnarodnaj hrupy padtrymki Siryi ŭdzielničali, u pryvatnaści, dziaržsakratar ZŠA Džon Kery, ministr zamiežnych spraŭ Rasii Siarhiej Łaŭroŭ, a taksama hienieralny sakratar AAN, śpiecpasłańnik AAN pa Siryi Stafan de Mistura, pradstaŭniki Lihi arabskich dziaržaŭ i Arhanizacyi isłamskaha supracoŭnictva.
Jak zajaviŭ dziaržsakratar ZŠA Džon Kery, pieramirje ŭ Siryi pavinna ŭklučać ŭsich, akramia hrupovak «Isłamskaja dziaržava» (DAIŠ) i «Džebchat an-Nusra».
Kamientary