Вынікам перамоваў па Сірыі стаў ўзгоднены праект рэзалюцыі Рады Бяспекі ААН, прыняты ўвечары ў пятніцу. Ён прадугледжвае спыненне агню, стварэнне канстытуцыі ў шасцімесячны тэрмін, правядзенне на працягу 18 месяцаў выбараў і вядзенне адзінага антытэрарыстычнага фронту.
Гэты план распрацавала канферэнцыя Міжнароднай групы падтрымкі Сірыі, дзе сабраліся кіраўнікі замежнапалітычных ведамстваў 18 краін.
План быў зацверджаны на пасяджэнні Рады бяспекі ААН, перадаюць міжнародныя інфармацыйныя агенцтвы.
У канферэнцыі Міжнароднай групы падтрымкі Сірыі ўдзельнічалі, у прыватнасці, дзяржсакратар ЗША Джон Кэры, міністр замежных спраў Расіі Сяргей Лаўроў, а таксама генеральны сакратар ААН, спецпасланнік ААН па Сірыі Стафан дэ Містура, прадстаўнікі Лігі арабскіх дзяржаў і Арганізацыі ісламскага супрацоўніцтва.
Як заявіў дзяржсакратар ЗША Джон Кэры, перамір'е ў Сірыі павінна ўключаць ўсіх, акрамя груповак «Ісламская дзяржава» (ДАИШ) і «Джэбхат ан-Нусра».
Цяпер чытаюць
На аўташоу ў Лідзе ледзь не загінуў адзін з самых знакамітых каскадзёраў Беларусі — яго відэа сабралі амаль паўмільярда праглядаў. Што з ім цяпер?3
Каментары