A bieł-čyrvona-biełyja šaliki sud kanfiskavaŭ u karyść dziaržavy.
Pavodle rašeńnia sudździ Čyhunačnaha rajsudu Ramana Dziahody, apazycyjaner pryznany ŭdzielnikam niesankcyjanavanaj akcyi, jakaja adbyłasia ŭ Viciebsku 25 sakavika.
U jakaści śviedkaŭ u sud byli vyklikanyja tolki milicyjanty, jakija zatrymlivali Barysa Chamajdu.
Jaho zatrymali za toje, što vyjšaŭ da tak zvanaha «siniaha domu» — domu № 28 pa vulicy Lenina ŭ Viciebsku — ź bieł‑čyrvona‑biełym šalikam na šyi. Razam ź im u milicyju Čyhunačnaha rajonu pavieźli viciebskuju aktyvistku Alenu Zaleskuju, jakaja taksama była ŭ bieł‑čyrvona‑biełym šaliku, i pradstaŭnicu BSDP «Hramada» Antaninu Pivanos, jakaja vyjšła da «siniaha domu» ź biełym ručnikom, na jakim ułasnaručna vyšyła čyrvonymi nitkami malitvu «Ojča naš».
Spadaryni Zaleskaja i Pivanos byli pakaranyja pavodle rašeńnia taho samaha sudździ Ramana Dziahody hrašovymi štrafami jašče 25 sakavika, a Barys Chamajda zapatrabavaŭ u sud pierakładčyka, i praces byŭ pieraniesieny.
Siońnia ŭ jakaści pierakładčyka na sud była vyklikanaja nastaŭnica biełaruskaj movy siaredniaj škoły № 27, ale na pačatku pracesu Barys Chamajda vystupiŭ z chadajnictvam pra adchileńnie sudździ, jakomu jon nie daviaraje. Chadajnictva nie było zadavolenaje. Tady Barys Chamajda admoviŭsia davać pakazańni, i sudździa začytaŭ pastanovu paśla apytańnia śviedkaŭ i razhladu rečavych dokazaŭ.
Šaliki ŭ nacyjanalnych kolerach i ručnik z vyšytaj na im malitvaj sud pastanaviŭ kanfiskavać na karyść dziaržavy.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1919
Kamientary