Na Paleśsi projdzie fiestyval barsukoŭ — sa stendapam i roznymi cikavostkami
U kancy červienia ŭ Biełarusi projdzie niezvyčajny fiestyval.
Jon całkam pryśviečany adnoj žyviole — barsuku. Sami arhanizatary nazyvajuć jaho «samym zahadkavym i śmiešnym žycharom lesu». Mierapryjemstva pad nazvaj «Noč barsukoŭ» adbudziecca ŭ nacyjanalnym parku «Prypiacki» 20—21 červienia, piša Onliner.by.
Heta turbaza ŭ lesie pad nazvaj «Chłupinskaja Buda» — adno z samych dzikich miescaŭ nacyjanalnaha parku.
Prahrama niečakanaja. Naprykład, možna budzie pačuć (mahčyma, upieršyniu ŭ historyi) stendap pra barsukoŭ. U płanach taksama kvest i majstar-kłas.
Asnoŭnaja častka mierapryjemstva projdzie ŭ viečarovym lesie. Naviedvalniki zmohuć užyvuju pabačyć sapraŭdny barsučy horad i na miescy vyvučyć jaho ŭładkavańnie. Usia ekskursija zojmie kala dźviuch hadzin.
Paśla hości śviata zmohuć raskłaści vohnišča i prahulacca ŭ zakinutuju viosku ŭ «Chatu barsuka». Mahčyma, pašancuje sustreć sovaŭ i pačuć vaŭkoŭ. Navat hryl-mieniu ŭ hety dzień atrymała nazvu «Syty barsuk». Ale pryčyn dla chvalavańnia niama — nivodny žychar lesu nie paciarpieŭ.
Ranicaj možna budzie adpravicca na ekskursiju — «z barsukom» — pa eka-ściežcy «Chłupinskaja Buda». Akramia taho, achvotnych čakajuć łaźnia, biljard i prakat rovaraŭ. Zbor udzielnikaŭ adbyvajecca ŭ Turavie, ale achvotnych zmohuć zabrać i ŭ Laskavičach ci Žytkavičach.
Udzieł u fiestyvali płatny. Z ulikam pražyvańnia, charčavańnia, tranśfieru i zabaŭ, košt dla darosłych — 190 rubloŭ, dla dziaciej ad 6 da 16 hadoŭ — 170 rubloŭ.
Barsukoŭ nazyvajuć sapraŭdnymi architektarami dzikaj pryrody. Jany stvarajuć pad ziamloj vializnyja «harady» z sotniami mietraŭ łabiryntaŭ, vientylacyjaj i asobnymi spalniami, jakija pieradajucca pa spadčynie i mohuć pašyracca na praciahu tysiačahodździaŭ.
Hetyja źviarki manijakalnyja čyściuli: rehularna źmianiajuć suchuju padściłku z travy ŭ svaich hniozdach i abstaloŭvajuć śpiecyjalnyja tualety — vyhrabnyja jamy daloka za miežami žyłych zon. Jany ŭpadajuć u zimovuju śpiačku, a da vosieni padvojvajuć svaju vahu, nazapašvajučy tłušč. Ich ščylnaja skura nastolki ŭnikalnaja, što abaraniaje ad ukusaŭ pčoł, źmiejaŭ i navat zuboŭ bujnych drapiežnikaŭ, dazvalajučy barsuku litaralna prakručvacca ŭnutry ŭłasnaha futra, kab nanieści ŭdar u adkaz.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1818
Kamientary