Paśla dastatkova spakojnaha z punktu hledžańnia uhodaŭ M&A 2015 hoda, što, u tym liku, było abumoŭlena zatrymańniem adnaho viadomaha biznesmiena, niekalki kampanij abviaścili ab płanach raźvićcia i kupli IT-aktyvaŭ u Biełarusi.
U paraŭnańni z 2014 hodam, u jakim na rynak Biełarusi pryjšli takija suśvietnyja hihanty, jak Rakuten, Mindspark, SK Hynix, IG Group, Mail. Ru Group, u minułym hodzie z punktu hledžańnia inviestavańnia ŭ samym pryvabnym siektary biełaruskaj ekanomiki naziraŭsia praktyčna poŭny štyl.
Navat polski biznesmien Jan Śmieła, jaki pradaŭ svoj polski i ŭkrainski biznes Ericpol šviedskaj telekamunikacyjnaj kampanii Ericsson, nie zmoh heta zrabić ź biełaruskaj dačkoj i pakinuŭ jaje pakul sabie.
Bolš za toje, na fonie aryštu adnoj z samych jarkich postaciaŭ biełaruskaha IT-biznesu, syšła z rynku brytanskaja IG Group. Mienavita biznesmien udzielničaŭ u adkryćci jaje minskaha ofisa. Ale paśla jaho zatrymańnia pravaachoŭnymi orhanami brytancy pryniali rašeńnie pierabazavacca ŭ Krakaŭ.
U samym kancy 2015 pradprymalnik byŭ vypuščany na volu. Mahčyma, heta stała dobrym znakam dla inviestaraŭ.
Adnym ź ich moža stać rasiejskaja kampanija Softline Ihara Baravikova. Jak stała viadoma ŭ pačatku hetaha tydnia, Softline atrymała 4 młrd ras. rubloŭ pazyki ŭ «Sovkombankie» i płanuje vydatkavać ich na ekspansiju. Jak raspavioŭ u «Viedomostiach» Ihar Baravikoŭ, Softline viadzie pieramovy z 3—5 sistemnymi intehratarami, lidarami łakalnych rynkaŭ u Paŭdniova-Uschodniaj Azii i Łacinskaj Amierycy, na kuplu jakich i vydatkuje bolšuju častku pazyki, paviedamiŭ Baravikoŭ. Z krain SND Softline razhladaje mahčymaść kupli kampanii ŭ Biełarusi.
Adznačym, što Softline u Biełarusi prysutničaje z 2001 hoda. U adnaho z najbujniejšych rasijskich raspracoŭnikaŭ prahramnaha zabieśpiačeńnia, pradstaŭlenaha na rynkach amal 40 krain śvietu, dziejničajuć centry ŭ Minsku, Mahilovie, Homieli, Viciebsku i Breście.
U rejtynhu najbujniejšych IT-kampanij Rasii, składzienym pa vynikach 2014 RAEX, Softline zaniała 10-je miesca.
Jašče niekalki kampanij z hetaha śpisu majuć i raźvivajuć biznes u Biełarusi.
Lidar rasijskaha rynku IT-intehratar «Tiechnosierv», jaki naležyć bankiram Dźmitryju i Alaksieju Anańjevym, u Biełarusi pracuje z 2009 hoda. Kampanija «Tiechnosierv Bieł» realizuje intehracyjnyja prajekty pa infarmatyzacyi sistem dziaržkiravańnia, telekamunikacyjnych, transpartnych kampanij i bankaŭ.
Hrupa kampanij «Łanit» (2-je miesca) pradstaŭleny ŭ Biełarusi niekalkimi centrami raspracoŭki, jakija adkryła kampanija Artezio — jaho daččynaja struktura.
Artezio śpiecyjalizujecca na raspracoŭcy i prodažach prahramnaha zabieśpiačeńnia dla telekamunikacyjnaj, bankaŭskaj, strachavoj halin, łahistyki i miedycyny. Centry dziejničajuć u Maskvie, Saratavie i Taronta, a taksama ŭ Minsku, Viciebsku i Mahilovie.
U biełaruskaj stalicy pracuje i pradstaŭnictva kampanii «Norbu», jakaja źjaŭlajecca raspracoŭščykam i intehrataram sistem kiravańnia biźniesam. «Norbu» uvachodzić u HK «Łanit».
«Envižn hrup» (4-je miesca) na biełaruskim rynku pracuje z kanca 2000-ha. Jon naležyć rasijskamu miljarderu Uładzimiru Jeŭtušenkavu. U 2013 hodzie biznes byŭ rearhanizavany ŭ kampaniju «Biełenvižn», jakaja realizavała prajekty dla MTS, «Biełtelekama» i Mazyrskaha NPZ.
Z 2011 hoda ŭ Biełarusi prysutničaje kampanija «Śbierbank-Tiechnołohii» — daččynaja struktura Aščadbanka Rasii, jaki źjaŭlajecca jaje hałoŭnym zakazčykam.
Adna z najbujniejšych kampanij Runetu, «Jandeks», adkryła ofis raspracoŭki ŭ Minsku («JandieksBieł») u 2011 hodzie, a ŭ 2012 hodzie zapuściła partał yandex.by. Kampanija «JandieksBieł», jakaja pracuje nad stvareńniem i raźvićciom roznych praduktaŭ dla maciarynskaj kampanii, źjaŭlajecca rezidentam PVT.
Inšyja kampanii z Rasii, na jakija siońnia pracujuć biełaruskija prahramisty ŭ Minsku i inšych haradach Biełarusi, daččynaja kampanija karparacyi «Top Soft» «Hałaktika», R-StyleLab, Cognitive Technologies, Kanstruktarskaje biuro sistemnaha prahramavańnia (padraździaleńnie kancernu SPA «Ałmaz-Antej»), NivalNetwork, Prognoz i, narešcie, Mail.Ru Group.
Mail.ru Group, asnoŭnym uładalnikam jakoj źjaŭlajecca Ališer Usmanaŭ, daŭno viadomy biełaruskim karystalnikam dziakujučy paštovaj słužbie Mail.ru i sacyjalnymi sietkami «Vkontaktie» i «Adnakłaśniki.ru». U 2014 hodzie internet-chołdynh zrabiŭ bujnuju kuplu na biełaruskim IT-rynku. Mail.ru Group staŭ ułaśnikam kartahrafičnaha servisu Maps.me, stvoranaha biełaruskimi raspracoŭščykami.
Akramia rasijskaj Softline, ab namierach raźvivać biznes u Biełarusi zajaviła adna z najbujniejšych polskich kampanij Assecco Poland.
U 2020-m syn Hanny Kanapackaj zvaniŭ u milicyju z danosam na minčukoŭ, jakija raźviešvali stužki11
Kamientary