Pradstaŭnica ABSIE pa pytańniach svabody ŚMI asudziła napad na Paŭła Dabravolckaha
Pradstaŭnica ABSIE pa pytańniach svabody ŚMI Dunia Mijatavič asudziła źbićcio karespandenta partała TUT.BY Paŭła Dabravolskaha supracoŭnikami milicyi.
«Ja zaklikaju ŭłady nieadkładna rasśledavać incydent. Takija dziejańni pradstaŭnikoŭ pravaachoŭnych orhanaŭ u dačynieńni da supracoŭnikaŭ ŚMI źjaŭlajucca nieprymalnymi. Milicyja pavinna sadziejničać pracy žurnalistaŭ, a nie pieraškadžać i zapałochvać ich», – havorycca ŭ zajavie Mijatavič, raźmieščanaj na aficyjnym sajcie ABSIE.
Pradstaŭnik ABSIE pa pytańniach svabody ŚMI paŭtaryła i zaklik da ŭładaŭ spynić pieraśled fryłansieraŭ. U studzieni hetaha hoda biełaruskich žurnalistaŭ Kanstancina Žukoŭskaha i Łarysu Ščyrakovu aštrafavali za nibyta supracu z zamiežnymi ŚMI biez akredytacyi.
«Hetaja tendencyja pahražaje svabodzie ŚMI i pavinna skončycca jak maha chutčej», – skazała Mijatavič, paćvierdziŭšy hatovaść Ofisa ABSIE pa pytańniach svabody ŚMI dapamahać uładam Biełarusi vyrašyć prablemu ź pieraśledam žurnalistaŭ.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary